АГЕНТИИ ОБУҲАВОШИНОСӢ. Аз 17 то 20 январ дар Тоҷикистон ҳаво номусоид мешавад
ДУШАНБЕ, 17.01.2025. /АМИТ «Ховар»/. Аз 17 то 20 январ дар ҷумҳурӣ ҳаво номусоид шуда, борон ва барф пешбинӣ мегардад. Дар ин хусус ба АМИТ «Ховар» аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Дар ноҳияҳои кӯҳӣ боридани барф ва дар водиҳо борон дар назар аст. Паст шудани ҳарорат ва фаромадани туман пешгӯӣ мешавад. Дар шоҳроҳҳои Душанбе-Чанок, Душанбе-Рашт-Лахш, Нуробод-Сангвор, Душанбе-Хоруғ хатари фаромадани тарма, яхбандӣ ва сангрезӣ боқӣ мемонад.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бинобар вазъи номусоиди обу ҳаво сокинонро ҳушдор медиҳад, ки эҳтиёткор бошанд.
Аммо тавре ба мушоҳида мерасад, новобаста аз огоҳии масъулин дар ин гуна рӯзҳои сард ва барфу борон ҳодисаҳои нохуш ба амал меоянд, ки ин аз беэътиноии сокинон дарак медиҳад.
Кумита бо мақсади пешгирии садамаҳои нақлиётӣ аз аҳолӣ хоҳиш мекунад, ки дар чунин рӯзҳо ҳангоми истифода аз роҳҳои кӯҳӣ эҳтиёткор бошанд, воситаҳои нақлиёти худро ба сафар омода созанд ва то ҳадди имкон аз рафтан ба минтақаҳои хатарнок, ҷамъоварии ҳезум ва дигар корҳо худдорӣ намоянд.
Ҳамчунин барои гарм нигоҳ доштани хонаҳои истиқоматӣ зимни истифода аз гармкунакҳои барқӣ ва бухориҳо эҳтиёткор бошанд.
АКС: АМИТ «Ховар»
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
