Байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи Лакноуи Ҳиндустон шартномаи ҳамкорӣ ба имзо расид
ДУШАНБЕ, 15.01.2025 /АМИТ «Ховар»/. 15 январ ректори Донишгоҳи Лакноуи Ҳиндустон Алок Кумар Рай бо фаъолияти Донишгоҳи байналмилалии сайёҳӣ ва соҳибкории Тоҷикистон шинос шуд. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон хабар медиҳад.
Зимни мулоқот ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода меҳмононро бо таърихи донишгоҳ, дастовардҳои таълимӣ ва илмии он, инчунин нақшаҳои стратегӣ дар самти рушди ҳамкории байналмилалӣ шинос намуд.
Таъкид карда шуд, ки ҳамкорӣ бо Донишгоҳи Лакноу метавонад на танҳо барои ҳар ду донишгоҳ, балки барои тақвияти муносибатҳои дӯстона байни Тоҷикистон ва Ҳиндустон аҳамияти бузург дошта бошад.
Изҳори умед карда шуд, ки натиҷаҳои мулоқот ба рушди таълим ва илм дар ҳар ду мамлакат саҳми назаррас хоҳанд гузошт.
Алок Кумар Рай омодагии Донишгоҳи Лакноуро барои рушди ҳамкорӣ дар бахшҳои гуногуни таълим ва тадқиқоти илмӣ, инчунин коркарди лоиҳаҳои муштарак изҳор дошт.
Дар поёни мулоқот ҷонибҳо бо мақсади таҳкими ҳамкорӣ ва иҷрои амалҳои муштарак, ба монанди таҳияи барномаҳои таълимӣ, табодули донишҷӯён ва омӯзгорон, инчунин баргузор намудани конфронсҳои илмии байналмилалӣ, ба созиш омада, шартномаи ҳамкорӣ ба имзо расониданд.
АКС: Донишгоҳи байналмилалии сайёҳӣ ва соҳибкории Тоҷикистон
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
Ғолибони Озмуни ҷумҳуриявии «Илм-фурӯғи маърифат» муайян гардиданд
Шаҳри Душанбе бо ба даст овардани 86 ҷой ғолиби Озмуни ҷумҳуриявии «Илм – фурӯғи маърифат» гардид
Таҳти унвони «Саҳми Донишгоҳи технологии Тоҷикистон дар татбиқи саноатикунонии босуръати кишвар» форуми байналмилалӣ доир шуд
ТАЪТИЛИ ТИРАМОҲИИ ХОНАНДАГОН ОҒОЗ ГАРДИД. Онро чӣ тавр бояд босамар гузаронид?
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Мутахассисони тоҷик дар чорабинии Маркази байналмилалии омӯзиш ва тадқиқоти ҳифзи мерос иштирок намуданд
Дар Челябинск бо иштироки донишҷӯёни тоҷик вобаста ба пешгирии экстремизм ҳамоиш доир шуд
Академияи идоракунии давлатии Тоҷикистон бо донишгоҳҳои Италия ҳамкориро густариш медиҳад
Маркази миллии тестӣ даври чоруми бақайдгирии довталабонро барои иштирок дар ИМД-2025 оғоз намуд
Лоиҳаи устоди Донишгоҳи техникии Тоҷикистон дар озмуни байналмилалӣ дар Чин соҳиби Ҷоизаи аъло гардид
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
