Дар Душанбе «Маҳфили ҷавононе, ки дар хориҷи кишвар таҳсил доранд» баргузор гардид
ДУШАНБЕ, 25.01.2025. /АМИТ «Ховар»/. Мо ифтихор дорем, ки ҷавонони мо нисбат ба Ватан меҳру муҳаббати самимӣ доранд, Ватанро сидқан дӯст медоранд, ба арзишҳо ва муқаддасоти миллӣ арҷ мегузоранд, иродаи мустаҳкам доранд ва сиёсати пешгирифтаи давлату Ҳукумати мамлакатро бо ҳисси баланди миллӣ ва эҳсоси худшиносию худогоҳӣ дастгирӣ мекунанд. Ин нуктаро Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода дар вохӯрие, ки бо роҳбарони навтаъйини «Маҳфили ҷавононе, ки дар хориҷи кишвар таҳсил доранд» ба таври маҷозӣ дар Душанбе баргузор гардид, иброз дошт. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд.
Гуфта шуд, ки вохӯрӣ бо роҳбарони навтаъйини маҳфил қадами муҳим барои тақвияти робитаҳо байни ҷавонони тоҷике аст, ки дар донишгоҳҳои хориҷӣ таҳсил мекунанд.
Дар вохӯрӣ Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон доир ба Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон сухан намуд.
Паёми Президенти Ҷумҳурии Тоҷикистон ба Маҷлиси Олӣ дар баробари аҳамияти сиёсӣ ва ҳуқуқӣ инчунин аҳамияти махсуси ахлоқию тарбиявӣ дорад. Зеро Президенти Тоҷикистон дар Паём ба Маҷлиси Олӣ ба ҷавонон рӯ оварда, пайваста онҳоро ба ҳифзи Ватан, Истиқлолияти давлатӣ, ватандӯстию меҳанпарастӣ, худшиносию худогоҳӣ, бархӯрдор будан аз дастовардҳои илму фарҳанги ҷаҳонӣ, донишандӯзӣ, донистани техникаю технологияи навтарин, интихоби касбу ҳунарҳои муосир даъват ва ҳидоят мекунанд ва ба онҳо мафҳуми истиқлолияту ваҳдати миллиро баён менамоянд. Ҳамчунин онҳоро пайваста аз зуҳуроти номатлуби ҷаҳони муосир огоҳ менамоянд.
Ҳамзамон чанд ҷавон ба тариқи ҳузурӣ ва маҷозӣ сухан намуда, ба Ҳукумати Тоҷикистон барои ғамхорию дастгирии пайваста изҳори сипос намуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ШАҲОДАТНОМАИ ТАВАЛЛУД. Ҳар шахс дар мавриди бақайдгирии давлатии таваллуд ба насаб, ном ва номи падар ҳуқуқ дорад
НОМИ НАКӮ-НИСФИ ҲУСН. «Феҳристи номҳои миллии тоҷикӣ» мардуми моро бо ному насаби миллӣ ба оламиён муаррифӣ менамояд
«ҶОЙГОҲИ ЗАН-МОДАР ДАР ПЕШБУРДИ ОИЛА БЕНАЗИР АСТ». Дар Шаҳринав ҳамоиши фарҳангӣ-маърифатӣ доир гардид
Иштироки фаъолонаи ҷавонон дар раванди интихобот бозгӯи камолоти фарҳанги сиёсию ҳуқуқии онҳо аст
25 январ — Рӯзи кормандони соҳаи меҳнат ва ҳифзи иҷтимоии аҳолӣ
Дар Академияи миллии илмҳои Тоҷикистон дар мавзуи ҷашни Сада конференсияи илмӣ-амалӣ баргузор шуд
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир гардид
Дар назди Литсейи касбии техникии шаҳри Бохтар Маркази шуғли фосилавӣ ифтитоҳ гардид
Мақомоти корҳои дохилии Федератсияи Русия ба шаҳрвандони хориҷӣ барои дастрас намудани ҳуҷҷатҳои қонунии иқомат муҳлат додааст
Ҷаласаи 7-уми Кумитаи роҳбарикунандаи байниидоравӣ оид ба амалисозии лоиҳаи «Беҳтарсозии малакаҳои касбӣ ва имконияти боркортаъминшавӣ» доир гардид
Дар доираи «Лоиҳаи навсозии ҳифзи иҷтимоӣ ва ҳамгироии иқтисодӣ» соҳаи тандурустии Тоҷикистон пурра рақамӣ мегардад
ШУҒЛИ ПУРМАҲСУЛ. Чӣ гуна ҷавонон соҳибкасб мешаванд ва оё касбашон бозоргир аст?
