Дар ноҳияи Мастчоҳ доир ба тавзеҳи Паёми Президенти Тоҷикистон ба Маҷлиси Олӣ ҳамоиш доир шуд

Январь 19, 2025 15:40

ДУШАНБЕ, 19.01.2025 /АМИТ «Ховар»/. Дар ноҳияи Мастчоҳ оид ба шарҳу тавзеҳи нуктаҳои асосии Паёми Президенти Ҷумҳурии  Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ҳамоиш баргузор гардид. Дар ин хусус АМИТ «Ховар» бо истинод ба дафтари матбуоти Раиси ноҳияи Мастчоҳ хабар медиҳад.

Паёми Президенти Тоҷикистон ба Маҷлиси Олӣ  муҳимтарин ҳуҷҷат барои рушди ҷумҳурӣ ва таъмини субот дар ҷомеа арзёбӣ гардида, таъкид шуд, ки ин санад барои ҳар шаҳрванди мамлакат зарурати ҳамоҳангӣ ва ҳамкории мақомоти давлатиро бо мардум барои иҷрои нақшаҳои давлатӣ ва беҳбуди вазъи иқтисодӣ ва иҷтимоии мамлакат тақозо мекунад.

Ҳозирин даъват шуданд, ки ба ислоҳи камбудиҳо, иҷрои қонунҳо ва иштироки фаъолона дар татбиқи барномаҳои давлатӣ диққати аввалиндараҷа дода, бо пайгирии ҷиддии Паёми Президенти Ҷумҳурии Тоҷикистон ба Маҷлиси Олӣ ва амалишавии дастуру супоришҳои Роҳбари давлат дар рушди иқтисод, тартиботи ҷамъиятӣ ва устувории амният саҳм гузоранд.

Дар ҳамоиш паҳлуҳои иқтисодӣ, иҷтимоӣ, сиёсӣ ва фарҳангии Паёми Президенти Ҷумҳурии Тоҷикистон ба Маҷлиси Олӣ аз ҷониби масъулини мақомоти ноҳия мавриди омӯзиш қарор дода шуд.

Судяи Суди ноҳияи Мастчоҳ Муҳсин Убайдзода дар бораи аҳамияти адолат ва нақши суд дар иҷрои қарору ҳукмҳо баромад намуда, сокинони ноҳияро даъват намуд, ки дар ҳама ҳолат ба қонун ва равандҳои ҳуқуқӣ эҳтиром гузоранд. Мавсуф ҳамчунин изҳор дошт, ки таъмини забономӯзии хонандагон ва кумак ба таҳсил дар муассисаҳои таълимӣ дар ноҳия бояд аз диққати волидайн дур набошад.

Гуфта шуд, ки Паёми Президенти Ҷумҳурии Тоҷикистон муҳтарам Эмомалӣ Раҳмонро ҳамасола тамоми сокинон- намояндагони касбу кори гуногун бесаброна интизор мешаванд. Зеро Паёми Президенти Ҷумҳурии Тоҷикистон ба Маҷлиси Олӣ сарчашмаи боэътимод, махзани иттилоот ва маълумоти омории амиқу дақиқ, таҳлилу хулосарониҳои мантиқию бебаҳс ва дастуру супоришҳои ҳидояткунанда ба сӯи ояндаи дурахшон мебошад.

АКС: Дафтари матбуоти Раиси ноҳияи Мастчоҳ

Январь 19, 2025 15:40

Хабарҳои дигари ин бахш

ПАЁМ-ҚУТБНАМОИ ОЯНДАИ ДУРАХШОН. Дар он самтҳои асосии сиёсати дохилию хориҷии Тоҷикистон ва нақшаҳои рушди устувор дарҷ шудаанд
САРМОЯИ ИНСОНӢ. Он омили муҳим барои ояндаи босуботи давлат ва фардои босаодати ҷомеа аст
Дар Бонки миллии Тоҷикистон нуктаҳои асосии Паёми Президенти Тоҷикистон ба Маҷлиси Олӣ тавзеҳ дода шуданд
БАРДОШТ АЗ ПАЁМ. Дар раванди тақвияти муносибатҳои иқтисодӣ истифодаи самараноки захираҳои Тоҷикистон нақши муассир дорад
«ЗАНОН-ДАР МЕҲВАРИ ПАЁМ». Дар шаҳри Бӯстон ҳамоиши занону ҷавондухтарон доир шуд
Дар «Литсей барои хонандагони болаёқат дар шаҳри Душанбе» Паёми Президенти Ҷумҳурии Тоҷикистон ба Маҷлиси Олӣ шарҳу тавзеҳ дода шуд
«ПАЁМ-РОҲНАМОИ ФАРДОИ ДУРАХШОНИ МИЛЛАТ». Таҳти ин унвон дар Донишгоҳи давлатии Бохтар ҳамоиши илмӣ доир шуд
Паёми Президенти Тоҷикистон ба Маҷлиси Олӣ — роҳнамо дар роҳи созандагию бунёдкорӣ ва расидан ба ормонҳои миллӣ
Қарори Раиси шаҳри Душанбе оид ба шарҳу тавзеҳи Паёми Президенти Ҷумҳурии Тоҷикистон ба тасвиб расид
Дар назди Донишгоҳи миллии Тоҷикистон Маркази омӯзиши паёмҳои Президенти Тоҷикистон таъсис мешавад
Дар Донишкадаи давлатии санъати тасвирӣ ва дизайни Тоҷикистон нуктаҳои асосии Паёми Президенти Тоҷикистон тавзеҳ дода шуданд
БАРДОШТ АЗ ПАЁМ. Тарбияи солим ягона роҳи пешгирии хурофоту тундгароӣ аст