Дар шаҳри Турсунзода иди Сада бо риояи суннатҳои аҷдодӣ таҷлил гардид
ТУРСУНЗОДА, 27.01.2023 /АМИТ «Ховар»/. Дар шаҳри Турсунзода иди Сада бо риояи суннатҳои аҷдодӣ ва шукуҳу шаҳомати хосса таҷлил гардид. Дар ҷашнгоҳ созҳои миллӣ, навъҳои гуногуни ҳунарҳои мардумӣ, маҳорати пазандагони моҳир, таомҳои миллӣ, порчаҳои атласу адрас, матоъҳои зардӯзӣ, гулдӯзӣ, намоиши расму оинҳои мардумӣ ва техникаҳои кишоварзӣ ба маърази тамошо гузошта шуданд. Дар ин хусус ба хабарнигори минтақавии АМИТ «Ховар» дар Мақомоти иҷроияи ҳокимияти давлатии шаҳри Турсунзода иттилоъ доданд.
Дар ҷамъомад масъулини шаҳр изҳор доштанд, ки ҷашни Сада ифодаи пайванди зиндагии инсонҳо бо табиат, давраи омодагӣ ба истиқболи баҳор ва Наврӯз, инчунин омодагӣ ба кишту кори баҳорӣ ва дигар корҳои кишоварзӣ мебошад. Миллати тоҷик дар рушди тамаддуни башарӣ бо фарҳанги куҳанбунёд саҳми муассир дорад. Боиси сарфарозӣ аст, ки бо ташаббусҳои пайвастаи Пешвои миллат расму оинҳои неки ниёгон, ки барои рушди тамаддуни башарӣ хизмат намудаанд, аз нав эҳё гардида, аз тарафи ҷомеа ба хубӣ пазируфта шуданд. Дар байни онҳо ҷой ва мақоми ҷашнҳои миллию мардумӣ-Наврӯз, Тиргон, Меҳргон ва Сада ба таври хосса мебошад.
Дар намоишгоҳи идона инчунин маҳсулоти кишоварзӣ, ниҳолҳо, гулу буттаҳо, тухмии зироати кишоварзӣ ва дигар дастовардҳои кишоварзони шаҳри Турсунзода пешниҳоди сокинон гардонида шуданд.
Мардум бо руҳияи баланди идона ҷашни Садаро истиқбол гирифтанд, то ин ҷашни ориёӣ ба рушди боғдорию токпарварӣ, гулкорию гулпарварӣ, чорводорию зироаткорӣ ва дар маҷмуъ ободкорӣ дар Ватан мусоидат намояд.
АКС: Мақомоти иҷроияи ҳокимияти давлатии шаҳри Турсунзода
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
