Дар Тоҷикистон зиёда аз 21 навъи маводу масолеҳи тармимгарӣ омода карда мешавад
ДУШАНБЕ, 22.01.2025 /АМИТ «Ховар»/. Дар Тоҷикистон зиёда аз 21 навъи маводу масолеҳи тармимгарӣ барои тармим, таҳким ва барқарорсозии ёдгориҳои таърихии мамлакат омода карда мешавад. Дар ин хусус ба АМИТ «Ховар» аз Агентии ҳифзи мероси таърихию фарҳангии назди Ҳукумати Ҷумҳурии Тоҷикистон хабар доданд.
Маводу масолеҳи тармимгарии ватанӣ дар айни замон дар тармим, таҳким ва барқарорсозии ёдгориҳои Хоҷа Нақшрони шаҳри Турсунзода (асрҳои XI – XII) ва ёдгории меъмории асрҳои XI – XIV дар деҳаи Мазори Шарифи шаҳри Панҷакент васеъ истифода мешаванд.
Иттилоъ дода шуд, ки масолеҳи истеҳсолгардидаи ватанӣ нисбат ба масолеҳи воридотӣ камхарҷ буда, тамоми маҳсулоти соҳавӣ айнан нухсабардорӣ мегардад ва дар хумдони махсус пухта мешавад.
Бояд тазаккур дод, ки то имрӯз мушкилоти назаррас, ба монанди сари вақт дастрас нашудани маводу масолеҳи тармимгарӣ боиси ба таъхир афтидани тармим, таҳким, барқарорсозӣ ва навсозии ёдгориҳои таърихию меъмории ҷумҳурӣ мегардид.
Имрӯз Агентии ҳифзи мероси таърихию фарҳангии назди Ҳукумати Ҷумҳурии Тоҷикистон тавонист дар муддати кӯтоҳ бархе аз мушкилоти мавҷударо бартараф намояд ва ба ҷойи маводу масолеҳи сохтмонии воридотӣ, аз қабили хиштҳои пухта, кошиҳои рангаву гулдор ва ғайра маҳсулоти ватанӣ истеҳсол намояд. Ин кор дар солҳои соҳибистиқлолӣ беназир буда, минбаъд Агентӣ дар барқарорсозии ёдгориҳои мамлакат аз масолеҳи ватанӣ истифода менамояд.
Ёдовар мешавем, ки Агентии ҳифзи мероси таърихию фарҳангии назди Ҳукумати Ҷумҳурии Тоҷикистон дар асоси супориши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо мақсади ҳифзу барқарорсозии ёдгориҳои таърихию фарҳангии мамлакат, инчунин муаррифии онҳо дар арсаи ҷаҳонӣ таъсис дода шудааст.
Самтҳои фаъолияти Агентии ҳифзи мероси таърихию фарҳангии назди Ҳукумати Ҷумҳурии Тоҷикистон гуногун буда, яке аз муҳимтарини онҳо ҳифз, тармим, таҳким ва барқарорсозии ёдгориҳои таърихию фарҳангии Ҷумҳурии Тоҷикистон мебошад.
АКС: Агентии ҳифзи мероси таърихию фарҳангии назди Ҳукумати Ҷумҳурии Тоҷикистон
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
