Намояндаи Тоҷикистон дар вохӯрии Гурӯҳи 77 ва Чин иштирок намуд
ДУШАНБЕ, 21.01.2025 /АМИТ «Ховар»/. Дар шаҳри Ню-Йорк вохӯрии Гурӯҳи 77 ва Чин таҳти раисии Ҷумҳурии Ироқ баргузор гардид, ки дар он мушовири Намояндагии доимии Тоҷикистон дар Созмони Милали Муттаҳид Ҳотам Қурбонзода иштирок намуд, хабар медиҳад АМИТ «Ховар» бо истинод ба Намояндагии доимии Тоҷикистон дар ин созмон.
Намояндаи Тоҷикистон ба аҳаммияти идомаи ҳамкории давлатҳои рӯ ба тараққӣ дар масоили муҳими глобалӣ, аз ҷумла захираҳои об, тағйирёбии иқлим ва рушди устувор таъкид кард.
Ҳотам Қурбонзода бо ишора ба нақши созандаи Тоҷикистон дар пешбурди масъалаҳои обу иқлим аз муҳимияти платформаи «Раванди оби Душанбе» ва пайгирии Конфронси оби СММ-2023 ёдовар шуд.
Инчунин таъкид гардид, ки Тоҷикистон ҳамкориро бо кишварҳои аъзои гурӯҳ барои амалӣ намудани натиҷаҳои конфронс ва пешбурди Ҳадафҳои рушди 6 ва дигар ҳадафҳои марбут ба об идома медиҳад.
Дар фарҷоми чорабинӣ оид ба баргузории Конфронси байналмилалии сатҳи баланд оид ба ҳифзи пиряхҳо, ки 29-31 майи соли равон дар шаҳри Душанбе ба нақша гирифта шудааст, ёдрас шуда, кишварҳои аъзоро ба иштирок дар ин маъракаи муҳими байналмилалӣ даъват намуд.
АКС: Намояндагии доимии Тоҷикистон дар Созмони Милали Муттаҳид
Дар Берлин ҳамкории тиҷоратию иқтисодии Тоҷикистон ва Олмон баррасӣ карда шуд
Дурнамои рушди ҳамкории Тоҷикистону сохторҳои Созмони Милали Муттаҳид баррасӣ гардид
Масъалаи иштироки ҳайати Тоҷикистон дар Конфронс оид ба тағйирёбии иқлим дар Анталия баррасӣ гардид
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Сафири Тоҷикистон бо роҳбари иҷроияи ширкати олмонии «Knauf» Мурат Акилдиз мулоқот намуд
Сафири Тоҷикистон бо Вазири саноати Алҷазоир мулоқот намуд
Фаррух Шарифзода бо Дабири кулли қолаби «Осиёи Марказӣ – Чин» Сун Вэйдун мулоқот намуд
Ҳамкории Тоҷикистон ва Кувайт дар соҳаи фарҳанг баррасӣ гардид
Дар Пекин масъалаҳои муҳими ҳамкории Тоҷикистон ва Чин баррасӣ гардид
Cафири Тоҷикистон бо Вазири нафти Кувайт вохӯрӣ намуд
Тоҷикистон фарҳанги миллии худро дар чорабинии байналмилалӣ бахшида ба Рӯзи СММ дар Ашхобод муаррифӣ намуд
Дар Ашхобод дурнамои рушди ҳамкории Тоҷикистону Туркманистон дар соҳаи нафту газ баррасӣ гардид
