НИШАСТИ МАТБУОТӢ. Дар Донишгоҳи техникии Тоҷикистон кадрҳои соҳибтахассус ва дар бозори меҳнат рақобатпазир омода карда мешаванд
ДУШАНБЕ, 29.01.2025 /АМИТ «Ховар»/. Номи факултети технологияҳои иттилоотӣ ва коммуникатсионӣ ба факултети технологияҳои рақамӣ, системаҳо ва ҳифзи иттилоот иваз карда шуд. Дар ин факултету ихтисосҳои нав тамоми шароити таълим фароҳам оварда шуда, умед аст, ки дар ҳошияи эълони Солҳои рушди иқтисоди рақамӣ ва инноватсия (2025–2030) кадрҳои соҳибтахассус ва дар бозори меҳнат рақобатпазир омода карда мешаванд. Дар ин хусус имрӯз зимни нишасти матбуотӣ ректори Донишгоҳи техникии Тоҷикистон ба номи академик Муҳаммад Осимӣ Қудрат Давлатзода иттилоъ дод.
Ёдовар мешавем, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» барои вусъат бахшидан ба равандҳои инноватсионӣ ва истифодаи ҳамаҷонибаи имконоти технологияҳои рақамӣ дар иқтисодиёт пешниҳод гардид, ки солҳои 2025 – 2030 Солҳои рушди иқтисоди рақамӣ ва инноватсия эълон карда шаванд.
Дар нишаст таъкид шуд, ки нишондиҳандаи асосии муассисаи таҳсилоти олии касбӣ доштани устодони дараҷа ва унвони илмӣ буда, сатҳу сифати таълим ва омодакунии кадрҳои баландихтисос маҳз ба ин омил вобастагӣ дорад. Дар айни замон дар 46 кафедраи донишгоҳ 479 омӯзгор, аз ҷумла 1 академик ва 3 узви вобастаи Академияи миллии имлҳои Тоҷикистон, 33 доктори илм, 257 номзади илм ба корҳои таълимию методӣ ва илмию таҳқиқотӣ машғул мебошанд. Ҳамзамон 158 нафар ба сифати омӯзгорони ҳамкор дар донишгоҳ фаъолият мекунанд.
Бо мақсади баланд бардоштани сифати таълим ва иҷрои нақшаи инфиродии омӯзгор ҳамасола аз ҷониби устодони донишгоҳ маводи таълимӣ – методӣ ва китобҳои дарсӣ таҳия ва чоп мегарданд. Вобаста ба ин соли 2024 аз ҷониби устодони донишгоҳ 129 воситаи таълимӣ ва 13 китоби дарсӣ нашр гардид.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Рушди соҳаи таҳсилоти ибтидоӣ ва миёнаи касбӣ бо намояндагони Агентии Корея оид ба ҳамкории байналмилалӣ баррасӣ шуд
Дар Донишгоҳи байналмилалии забонҳои хориҷии Тоҷикистон бахшида ба 1045-солагии Абуалӣ ибни Сино ҳамоиши байналмилалӣ доир шуд
«САДОҚАТ БА ПЕШВОИ МИЛЛАТ». Ба ифтихори Рӯзи Президенти Тоҷикистон дар Данғара иқдом баргузор шуд
Доир ба нақши Иҷлосияи XVI Шурои Олӣ дар инкишофи давлатдории навини тоҷикон конференсия баргузор шуд
Дар Душанбе масъалаи таҳсилоти босифат баррасӣ гардид
