НИШАСТИ МАТБУОТӢ. Нахустин маротиба дар мамлакат «Атласи равандҳои экзогениву геологии Ҷумҳурии Тоҷикистон» таҳия гардид
ДУШАНБЕ, 28.01.2025 /АМИТ «Ховар»/. Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» соли 2024 бори аввал аз ҷониби мутахассисони Саридораи геологияи назди Ҳукумати Ҷумҳурии Тоҷикистон «Атласи равандҳои экзогениву геологии Ҷумҳурии Тоҷикистон» таҳия ва нашр карда шуд. Дар ин хусус имрӯз зимни нишасти матбуотӣ сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадҷонзода ба хабарнигорон иттилоъ дод.
Илҳомҷон Оймуҳаммадҷонзода гуфт, ки ин атлас бо истифода аз барномаҳои муосири компютерӣ омода гардидааст. Дар он тамоми маълумот вобаста ба равандҳои экзогениву геологии Ҷумҳурии Тоҷикистон, аз ҷумла равандҳои ярч, сел ва фаромадани санг оварда шудааст.
Шакли электронии ин атлас дар сомонаи саридора ҷойгир буда, давра ба давра дар он маълумоти нав ҷой дода мешавад.
«Ба ҳама мақомоти дахлдор, ки бо замин кор мекунанд, пешниҳод менамоем, ки аз ин атлас истифода баранд»,-иброз дошт сардори саридора.
Тибқи лоиҳаи «Хадамоти давлатии мушоҳидаи равандҳои экзогении геологӣ» соли 2024 дар 638 деҳа, маҳалла ва шаҳракҳои ҳудуди шаҳру ноҳияҳои тобеи ҷумҳурӣ, вилоятҳои Хатлон ва Суғд таҳқиқоти муҳандисӣ-геологӣ гузаронида шуд. Дар натиҷа ба 671 хоҷагӣ пешниҳод карда шуд, ки аз ҷойҳои хавфнок ба маконҳои бехавф кӯчонида шаванд.
Моҳинави НАВРӮЗ,
АМИТ «Ховар»
АКС: АМИТ «Ховар»
«МЕЪМОР-2026». Намоиш — озмуни ҷумҳуриявии беҳтарин лоиҳаҳои меъморӣ ва шаҳрсозӣ дар вилояти Суғд доир мешавад
ИСТИФОДАИ САМАРАНОКИ ЗАМИН. Дар ноҳияи Носири Хусрав моҳи август ҷамъоварии пахта оғоз мегардад
«ЭКО-2026». Дар мавзеи Ҳафткӯли шаҳри Панҷакент Ниммарафони панҷуми кӯҳӣ баргузор мешавад
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир мегардад
Дар сардхонаҳо ва анборхонаҳои Тоҷикистон ҳаҷми муайяни маҳсулоти кишоварзӣ захира гардидааст
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
