«Тоҷик Эйр» бо фаъолгардонии парвозҳо дар хатсайрҳои маҳаллӣ рафтуомади шаҳрвандонро осон мегардонад
ДУШАНБЕ, 27.01.2025 /АМИТ «Ховар»/. Солҳои 2024-2025 бо дастгирии Агентии авиатсияи граждании назди Ҳукумати Ҷумҳурии Тоҷикистон аз ҷониби ширкати ҳавопаймоии «Тоҷик Эйр» се хатсайри маҳаллӣ барқарор гардид, иттилоъ медиҳад АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон.
Фаъол гардонидани парвозҳо дар хатсайрҳои маҳаллӣ аз ҷониби «Тоҷик Эйр» ба осон гардонидани рафтуомади шаҳрвандон ба шаҳру ноҳияҳои дурдасти ҷумҳурӣ мусоидат менамояд.
Аз ҷумла, 3 октябри соли 2024 дар хатсайри Душанбе – Хоруғ, 15 январи соли 2025 дар хатсайри Душанбе – Кӯлоб, 24 январи соли 2025 дар хатсайри Душанбе – Панҷакент аз ҷониби «Тоҷик Эйр» парвозҳои мунтазам оғоз гардиданд.
Ҷамъияти саҳомии кушодаи «Тоҷик Эйр» тасмим гирифтааст, ки дар оянда парвозҳоро ба дигар минтақаҳои ҷумҳурӣ фаъол намояд, ки ин ба осон ва бехатар сафар намудани мусофирон мусоидат менамояд.
Ифтитоҳи хатсайрҳои маҳаллӣ дар рушди соҳаи сайёҳӣ дар мамлакат нақши муассир мегузорад. Бояд тазаккур дод, ки 24 январ нахустин парвози ҳавопаймо дар хатсайри Душанбе–Панҷакент аз ҷониби ширкати ҳавопаймои «Тоҷик Эйр» тавассути ҳавопаймои АН-28 фаъол гардид. Нархи чипта дар масири Душанбе-Панҷакент 400 сомонӣ буда, давомнокии парвоз 40-45 даққиқаро дар бар мегирад. Парвоз дар масири Душанбе-Панҷакент ҳафтае се маротиба, рӯзҳои сешанбе, панҷшанбе ва якшанбе бо мусоид будани боду ҳаво анҷом дода мешавад.
АКС аз манбаъҳои боз
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
