ҲАРАКАТИ ҶУМҲУРИЯВИИ НИҲОЛШИНОНӢ. Дар вилояти Хатлон беш аз 401 ҳазор бех ниҳол шинонида шуд
ДУШАНБЕ, 08.02.2025. /АМИТ «Ховар»/. Дар шаҳру ноҳияҳои вилояти Хатлон то имрӯз 401 020 бех дарахт шинонида шудааст, ки 80,2 фоизи нақшаро ташкил медиҳад, хабар доданд ба АМИТ «Ховар» дар хадамоти матбуоти Раиси вилояти Хатлон.
Тибқи иттилои манбаъ, Раиси вилояти Хатлон Давлаталӣ Саид дар ҷамоати шаҳраки Зарнисори ноҳияи Вахш дар маъракаи ниҳолнишонӣ иштирок намуд.
Раиси вилояти Хатлон бо шинонидани аввалин ниҳол маъракаи сабзазоркуниро оғоз бахшида, масъулинро ба вусъат додани корҳои ободонию сабзу хуррамгардонӣ дар ҳудуди ноҳия даъват намуд.
Ҳамчунин раиси вилоят бо нахустин ёдгории буддоӣ дар Осиёи Миёна – Дайри Буддоии Аҷинатеппа шинос гардида, барои ободу зебо намудан ва шинонидани дарахтони ороишӣ дар атрофи он ба масъулин дастур дод.
Бояд гуфт, ки «Аҷинатеппа» боқимондаи ёдгори меъмории дини буддоӣ буда, мувофиқи таҳқиқи бостоншиносон, бутхона дар нимаи дуюми асри VII ва ибтидои асри VIII фаъолият дошт.
Иттилоъ дода шуд, ки ин ёдгорӣ дар асоси лоиҳа аз ҷониби Бонки Осиёии Рушд таъмир ва ба макони сайёҳӣ табдил дода мешавад.
АКС: Хадамоти матбуоти Раиси вилояти Хатлон
ДАРАХТ БИНШОН! Дар шафати роҳи Бохтар–Душанбе маъракаи ниҳолшинонӣ баргузор гардид
Дар Ҷамоати деҳоти ба номи Садриддин Айнии ноҳияи Хуросон чоҳи амудӣ ба истифода дода шуд
Дар канори роҳи ёдгории Панҷакенти қадим 600 бех ниҳоли санавбар шинонида шуд
ДАРАХТ БИНШОН! Омӯзгорону донишҷӯёни Донишгоҳи давлатии Бохтар беш аз ҳазор бех ниҳол шинониданд
ДАРАХТ БИНШОН! Дар Тоҷикистон намоиш — фурӯши ниҳолҳои ҳамешасабз, ороишӣ ва мевадиҳанда оғоз гардиданд
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
«ДУШАНБЕ — ШАҲРИ САБЗ». Дар ноҳияи Синои пойтахт зиёда аз 175 ҳазор бех дарахтон шинонида шуданд
НИШАСТИ МАТБУОТӢ. Соли 2025 дар Тоҷикистон беш аз 3 миллион бех ниҳоли дарахтони ҳамешасабзу ороишӣ шинонида шуд
ДАРАХТ БИНШОН! Дар ноҳияи Синои пойтахт беш аз 500 бех ниҳоли санавбар шинонида шуд
БАРНОМАИ РУШДИ ПАРВАРИШИ ПАВЛОВНИЯ ДАР ТОҶИКИСТОН. Дар мавсими ниҳолшинонии имсола дар 100 гектар павлония шинонида мешавад
ДАРАХТ БИНШОН! Дар хоҷагии ҷангали ноҳияи Данғара зиёда аз 10 ҳазор бех ниҳоли ҳамешасабз ва сояафкан шинонида шуд
