Дар шаҳри Ваҳдат бо иштироки муовини Сарвазири Тоҷикистон маъракаи ниҳолшинонӣ доир гардид
ВАҲДАТ, 27.02.2026 /АМИТ «Ховар»/. Бо мақсади татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» дар шаҳри Ваҳдат бо иштироки муовини Сарвазири Тоҷикистон Сулаймон Зиёзода маъракаи ниҳолшинонӣ баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Ваҳдат хабар доданд.
Дар маъракаи ниҳолшинонӣ бо маслиҳати мутахассисон ва риояи қоидаҳои агротехникӣ беш аз 800 бех ниҳолҳои сояафкан ва мевадиҳанда шинонида шуданд, ки ба беҳтар намудани муҳити зист мусоидат мекунанд.
Муовини Сарвазири Тоҷикистон Сулаймон Зиёзода дар хоҷагии ниҳолпарварии Кумитаи ҳифзи муҳити зисти назди Ҳукумати Ҷумҳурии Тоҷикистон дар шаҳри Ваҳдат бо раванди парвариш ва нигоҳубини ниҳолҳо шинос шуд. Иттилоъ дода шуд, ки хоҷагии ниҳолпарварӣ соли 2025 дар 5 гектар таъсис гардида, ҳоло дар он зиёда аз 25 000 бех ниҳол парвариш меёбад. Дар хоҷагӣ беш аз 15 намуди ниҳоли ороишӣ ва сояафкан парвариш карда мешаванд, ки барои сабзкорӣ ва ободонии шаҳру ноҳияҳои мамлакат пешбинӣ гардидаанд.
Имрӯзҳо сокинони шаҳри Ваҳдат бо истифода аз ҳавои мусоид дар шафати шоҳроҳҳо ва талу теппаҳо ба шинонидани дарахтони гуногун машғул ҳастанд. Тибқи иттилои масъулин, соли 2026 дар шаҳри Ваҳдат зиёда аз 22 ҳазор бех ниҳоли дарахтони ороишию сояафкан ва мевадиҳанда шинонида мешавад.
АКС: Мақомоти иҷроияи ҳокимияти давлатии шаҳри Ваҳдат
Ба дарахтони ҳамешасабзи шафати роҳи байналмилалии Бохтар, Хуросон ва Душанбе об доданд
«КИШВАРИ САБЗ». Дар Тоҷикистон дар 78 гектар плантатсияҳои павловния бунёд гардидаанд
Дар остонаи ҷаласаи 45-уми Шурои Фонди иқлими сабз дар Душанбе ниҳоли дарахтони ҳамешасабз шинонида шуд
Дар ноҳияи Дӯстӣ бунёди 5 гектар боғи павловния ба нақша гирифта шудааст
Дар ниҳолхонаи шуъбаи ҳифзи муҳити зист дар шаҳри Турсунзода беш аз 12 ҳазор бех ниҳоли гуногун парвариш меёбад
Дар Тоҷикистон 556,5 гектар боғҳои нав бунёд карда шуданд
Дар Тоҷикистон то соли 2040 беш аз 2 миллиард дарахт шинонида мешавад
Эмомалӣ Раҳмон: «Дар Тоҷикистон дар доираи Барномаи давлатии сабзкорӣ то соли 2040 беш аз 1 миллиард бех дарахт шинонида мешавад»
ДАРАХТИ ДӮСТӢ БИНШОН. Ректорони донишгоҳҳои «сабз» беш аз 50 бех ниҳоли дарахти ҳамешасабз шинониданд
БАРНОМАИ КАБУДИЗОРКУНӢ. Дар мавзеи баландкӯҳи Вору зиёда аз 12 ҳазор бех ниҳол шинонида шуд
«КИШВАРИ САБЗ». Дар Мурғоб беш аз 3 ҳазор бех ниҳоли дарахтони сояафкан шинонида шуд
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихии Тоҷикистон беш аз 7 ҳазор бех ниҳол шинонида шуд
