Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи иқтисод ва хизматрасонии Тирмиз тақвият меёбад
ДУШАНБЕ, 15.02.2025 /АМИТ «Ховар»/. Ректори Донишгоҳи иқтисод ва хизматрасонии Тирмизи Ҷумҳурии Узбекистон Абдусамат Сатторов бо ҳайати ҳамроҳонаш ба Донишгоҳи байналмилалии сайёҳӣ ва соҳибкории Тоҷикистон омада, бо шароит ва имконияти таҳсил дар ин донишгоҳ шинос гардиданд.
Ба АМИТ «Ховар» аз Донишгоҳи байналмилалии сайёҳӣ ва соҳибкории Тоҷикистон иттилоъ доданд, ки меҳмонон бо роҳбарияти донишгоҳ мулоқот намуда, масъалаҳои таҳкими ҳамкорӣ дар соҳаи таҳсили олӣ, табодули таҷриба ва татбиқи барномаҳои муштараки таълимиро баррасӣ намуданд.
Ҷонибҳо оид ба имконияти табодули донишҷӯён ва омӯзгорон ва анҷом додани таҳқиқоти илмии муштарак табодули афкор намуданд. Ҳамзамон масъалаи омодасозии мутахассисони баландихтисоси соҳаи сайёҳӣ ва соҳибкорӣ, инчунин рушди барномаҳои таълимии ба талаботи бозори меҳнат мувофиқ муҳокима гардид.
Шиносоии ҳайати роҳбарияти Донишгоҳи иқтисод ва хизматрасонии Тирмизи Ҷумҳурии Узбекистон бо Донишгоҳи байналмилалии сайёҳӣ ва соҳибкории Тоҷикистон қадами муҳим дар таҳкими ҳамкории илмӣ ва таълимӣ байни ду муассисаи таҳсилоти олӣ арзёбӣ мегардад.
АКС: Донишгоҳи байналмилалии сайёҳӣ ва соҳибкории Тоҷикистон
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
Кумитаи рушди сайёҳӣ барои рушди соҳа ва тарғиби имконоти сайёҳии Тоҷикистон озмун эълон намуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
САЙЁҲИИ РАҚАМӢ. Дар Душанбе лоиҳаи замимаи мобилии «Ватан» муаррифӣ гардид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
