Дар Китобхонаи миллии Тоҷикистон оид ба ҳамкории фарҳангии Тоҷикистон ва Фаронса мулоқот доир шуд
ДУШАНБЕ, 07.02.2025. /АМИТ «Ховар»/. Дар Китобхонаи миллии Тоҷикистон мулоқоти директори Китобхонаи миллӣ Ҷумахон Файзализода бо Сафири Фавқулода ва Мухтори Ҷумҳурии Фаронса дар Ҷумҳурии Тоҷикистон Элза Пинёл доир гардид. Дар ин хусус ба АМИТ «Ховар» дар Китобхонаи миллӣ иттилоъ доданд.
Мусоҳибон оид ба муносибатҳои дуҷонибаи давлатҳо дар соҳаи китобдорӣ ва рушди ин самти муҳим изҳори назар намуданд.
Дар мулоқот директори Китобхонаи миллӣ дар робита ба фонди асосии китобхона, ки ҳамарӯза дар ҳоли афзоиш аст ва ҳамчунин имкони нигоҳдории то 10 миллион нусха китоб сухан гуфт. Иттилоъ дода шуд, ки шароиту имконияти Китобхонаи миллӣ барои баргузории конфронсу симпозиумҳои сатҳи баланд низ хеле мувофиқ буда, пайваста дар он чорабиниҳои гуногун доир мешаванд.
Зимни мулоқот ҷонибҳо инчунин дар самти омӯзиши забонҳои тоҷикӣ, фаронсавӣ, таҳқиқи осори адибон, табодули муҳаққиқону донишҷӯён, ташкил намудани даврҳои забономӯзӣ ва форумҳои байналмилалӣ табодули афкор намуданд.
Таъкид гардид, ки дар Китобхонаи миллӣ шуъбаи адабиёти хориҷӣ фаъолият мекунад, ки дар он бо 63 забони дунё адабиёт гирдоварӣ шудааст. Дар ин шуъба китобҳои гуногун бо забони фаронсавӣ низ кам нестанд.
Элза Пинёл изҳор дошт, ки мехоҳанд дар оянда дар самти ғанӣ гардонидани фонди Китобхонаи миллӣ бо китобҳо ба забони фаронсавӣ ҳамкорӣ намоянд. Ҳамчунин пешниҳодҳои гуногун дар самти омӯзиши забони фаронсавӣ ба алоқамандони ин забон дар Китобхонаи миллӣ ва доир намудани чорабиниҳои гуногун дар толорҳои барҳаво ва дорои шароити хуби ин муассиса мавриди суҳбат қарор гирифтанд.
Дар Китобхонаи миллии Тоҷикистон даврҳои омӯзиши забонҳои русӣ, англисӣ, куриёӣ, олмонӣ ва чинӣ амал мекунанд, ки хоҳишмандон метавонанд иштирок намуда, сатҳи забондониашонро баланд бардоранд.
Сафири Фавқулода ва Мухтори Ҷумҳурии Фаронса дар Ҷумҳурии Тоҷикистон Элза Пинёл ҳамчунин мусаввараҳои таърихӣ, Осорхонаи китоб, толори китобҳои тозанашр ва гӯшаи китоби Ҷумҳурии Фаронсаро, ки дар толори шуъбаи адабиёти хориҷӣ ҷой гирифтааст, тамошо намуд.
Дар анҷоми мулоқот ҳамчун рамзи дӯстӣ ба Элза Пинёл китоби «Тоҷикон дар оинаи таърих. Аз Ориён то Сомониён»-и Президенти Тоҷикистон, Пешвои миллат муҳтарам Эмомалӣ Раҳмон тақдим гардид.
АКС: Китобхонаи миллии Тоҷикистон
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон маротибаи аввал озмуни ҷумҳуриявӣ баргузор мегардад
«ТОҶИКИСТОН-ВАТАНИ АЗИЗИ МАН». Барои баргузории озмуни ҷумҳуриявӣ беш аз ҳашт миллион сомонӣ ҷудо мегардад
