Дар Женева дурнамои рушди соҳаи нақлиёт баррасӣ шуд
ДУШАНБЕ, 14.02.2025 /АМИТ «Ховар»/. Масъалаҳои марбут ба таҳкими соҳаи нақлиёти ҷаҳонӣ дар Женева дар мулоқоти вазирони кишварҳои иштирокчии СПЕКА таҳти унвони «Ояндаи нақлиёт» баррасӣ шуданд.
АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад, ки мулоқот дар ҳошияи иҷлосияи 87-уми Кумитаи нақлиёти дохилии Комиссияи иқтисодии Созмони Милали Муттаҳид барои Аврупо (UNECE) бо ташаббуси Форуми ҷаҳонии иқтисодӣ гузаронида шуд. Дар ҳамоиш, ки дар он Вазири нақлиёти Тоҷикистон Азим Иброҳим иштирок дошт, масъалаҳои ҳамбастагии роҳҳои нақлиётӣ байни минтақаҳо ва муайян намудани мушкилот, имконият ва андешидани тадбирҳои калидӣ барои ноил шудан ба дурнамои устувор ва самараноки соҳа матраҳ шуданд.
Иштирокдорон роҷеъ ба он, ки то соли 2050 дар соҳаи нақлиёт чӣ тағйирот ба амал меояд, изҳори назар намуданд.
Гуфта шуд, ки ҷаҳон хеле зуд тағйир меёбад, бинобар ин бояд ҳамқадами замон буд. Технологияҳои нав ба вуҷуд меоянд, раванди рақамикунонӣ торафт суръати бештар пайдо мекунад – аз ин пешрафтҳо бояд бархӯрдор шуд ва онҳоро ба нафъи рӯзгори инсонҳо истифода намуд.
Рақамикунонӣ ҳамчун раванди глобалӣ дар соҳаи нақлиёт ба таври бебозгашт пеш меравад. Нақлиёти ҷамъиятӣ аз ҷиҳати экологӣ тоза ва бехатару бароҳаттар мешавад. Ояндаи нақлиёт ба мошинҳои барқӣ ва бесарнишин вобаста мегардад.
АКС: Вазорати нақлиёти Ҷумҳурии Тоҷикистон
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Президенти Тоҷикистон таъмини амнияти озуқавориро масъалаи стратегӣ ва ҳаётан муҳим номиданд
Сарвари давлат Эмомалӣ Раҳмон дар маҷлиси Ҳукумат ба масъулон барои коҳиши фоизи қарзҳо ва рушди пардохтҳои ғайринақдӣ дастур доданд
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
Дар Барселона имконоти сармоягузории Тоҷикистон муаррифӣ гардид
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
