ҲИСОББАРОБАРКУНИИ ҒАЙРИНАҚДӢ. Кумитаи меъморӣ ва сохтмон пурра ба таври ғайринақдӣ хизмат мерасонад
ДУШАНБЕ, 04.02.2025 /АМИТ «Ховар»/. Ташкилоту корхонаҳои низоми Кумитаи меъморӣ ва сохтмони назди Ҳукумати Ҷумҳурии Тоҷикистон ҳама боҷҳои давлатиро барои додани иҷозат ва иҷозатномаҳо, ҷаримаҳо, маблағи суғуртаи ҳатмии давлатӣ, хизматрасониҳои коммуналӣ ва намудҳои дигари хизматрасонии давлатӣ пурра ба таври ғайринақдӣ пардохт менамоянд. Дар ин хусус 3 феврал зимни нишасти матбуотии ин ниҳод раиси Кумитаи меъморӣ ва сохтмон Низом Мирзозода иттилоъ дод.
Раиси Кумитаи меъморӣ ва сохтмон гуфт, ки барои иҷрои Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» аз 22 июни соли 2023 чораҷӯӣ намуда, ҳаққи хизматрасониҳои соҳаро, ки дар низоми кумита қарор доранд, пурра ба таври ғайринақдӣ ва ҳисоббаробаркуниҳоро ба тариқи электронӣ тавассути низоми иттилоотии идоракунии молияи давлатӣ бе таҳвили шакли қоғазии он пардохт менамоянд.
«Зимни амалишавии пардохтҳо аз барномаҳои муосири баҳисобгирии амалиёти молиявӣ истифода гардида, дар ин раванд эъломияи андоз ва ҳисобнома-фактураҳо дар шакли электронӣ ба воситаи системаи ҳисоботдиҳии адозсупорандагон супорида ва қабул карда мешаванд»,-иброз дошт Низом Мирзозода.
Иттилоъ дода шуд, ки барои густариши раванди рақамикунонӣ ҳуҷҷатҳо барои гирифтани иҷозатномаи фаъолияти сохтмонӣ ба тариқи электронӣ пешниҳод мешаванд. Дар айни замон шасони воқеӣ метавонанд ҳуҷҷатҳои худро ба тариқи электронӣ дар сомонаи Хадамоти иҷозатномадиҳии фаъолияти шаҳрсозии кумита www.kifs.tj ба расмият дароранд.
Шаҳлои САДРИДДИН,
АМИТ «Ховар»
АКС: АМИТ «Ховар»
«Муждаи зафар». Дар ноҳияи Ёвон дурнамои истеҳсоли пахта барзиёд иҷро гардид
Дар даврони соҳибистиқлолии Тоҷикистон ба соҳаи энергетика 30 миллиард сомонӣ равона гардид
АЗ ДАРТМУТ ТО ДУШАНБЕ. Зеҳни сунъӣ нисбат ба қоидаҳое, ки истифодаи онро танзим менамоянд, ба маротиб тезтар рушд мекунад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст
Дар Душанбе масъалаи тақвияти рақамикунонии давлатӣ баррасӣ гардид
Намояндагони Тоҷикистон дар Симпозиуми Созмони ҷаҳонии гумрук дар Брюссел иштирок намуданд
Ширкати ҳавопаймоии Shohin Airlines парвозҳои мунтазами дохилиро ба чор шаҳри Тоҷикистон оғоз менамояд
Сеюмин конференсияи солонаи Платформаи минтақавӣ оид ба татбиқи босуръати Конвенсияи СММ бар зидди коррупсия дар Осиёи Марказӣ доир шуд
Вилояти Хатлони Тоҷикистон ва вилояти Новосибирски Русия ҳамкорӣ менамоянд
Дар Анталия Павилиони миллии Тоҷикистон дар доираи COP31 ифтитоҳ гардид
Тоҷикистон дар доираи COP31 ҳамоиши байналмилалӣ доир намуд
