Масъалаи фаъолгардонии парвозҳои мустақим дар масири Душанбе-Абузабӣ ва Душанбе-Шарҷа баррасӣ гардид
ДУШАНБЕ, 13.02.2025 /АМИТ «Ховар»/. Масъалаи фаъол гардонидани парвозҳои мустақим дар масири Душанбе-Абузабӣ ва Душанбе-Шарҷа дар мулоқоти Директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода ва Директори генералии Маъмурияти авиатсияи граждании Амороти Муттаҳидаи Араб Сайф Муҳаммад Алсувайдӣ баррасӣ гардид. Дар ин хусус АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон иттилоъ медиҳад.
Ҷонибҳо ҳамчунин масъалаи ифтитоҳи парвозҳои боркашонӣ (карго)-ро байни Тоҷикистон ва Аморати Муттаҳидаи Араб баррасӣ намуданд.
Мулоқот дар ҳошияи Симпозиуми байналмилалии авиатсияи гражданӣ /Global Implementation Support Symposium/ дар шаҳри Абузабии Амороти Муттаҳидаи Араб баргузор гардид.
Ҳамчунин дар доираи Симпозиуми байналмилалии авиатсияи гражданӣ Директори Агентии авиатсияи граждании назди Ҳукумати Ҷумҳурии Тоҷикистон бо Директори генералии Ширкати ҳавопаймоии «Air Arabia» ва Директори минтақавии Ширкати ҳавопаймоии «Wizz Air» мулоқот намуда, барои ифтитоҳи хатсайрҳои нав ва инчунин ҷалби сармояи хориҷӣ ба соҳаи авиатсияи граждании Тоҷикистон табодули назар намуданд.
Таъкид кардан ба маврид аст, ки вохӯриҳо бо роҳбарони ширкатҳои ҳавопаймоии кишварҳои арабӣ аз ҷониби Агентии авиатсияи граждании назди Ҳукумати Ҷумҳурии Тоҷикистон бо мақсади мусоидати бештар ба рушди соҳаи авиатсияи граждании мамлакат анҷом дода шуданд.
АКС: Агентии авиатсияи граждании назди Ҳукумати Ҷумҳурии Тоҷикистон
Тоҷикистон дар самти моликияти зеҳнӣ дар даврони соҳибистиқлолӣ ба 39 созишномаю конвенсияҳои байналмилалӣ ҳамроҳ шуд
Бахшида ба Рӯзи байналмилалии моликияти зеҳнӣ як зумра ихтироъкорони Тоҷикистон қадрдонӣ карда шуданд
Дар Тоҷикистон шумораи субъектҳои хоҷагидорӣ 5,1 фоиз зиёд гардидааст
Ҳайати Тоҷикистон дар Малайзия бо дастовардҳо дар самти татбиқи Ҳадафҳои Рушди Устувор шинос гардид
Байни Тоҷикистон ва Русия дар соҳаи энергетика Протоколи муҳим ба имзо расид
Дар Душанбе доир ба масъалаи равишҳои инноватсионӣ дар соҳаи тиб ҳамоиш доир шуд
Сарвазири Тоҷикистон Қоҳир Расулзода бо Раиси Ҳукумати Федератсияи Русия Михаил Мишустин мулоқот намуд
Раванди панҷ ҳуҷҷати банақшагирии стратегӣ дар ҷаласаи навбатии Гурӯҳи кории байниидоравӣ баррасӣ шуд
Рушди инноватсионии Тоҷикистон дар чаҳорчӯби Форуми байналмилалии инноватсия дар Москва муаррифӣ карда шуд
Дар Вашингтон дурнамои ҳамкории тиҷоратию иқтисодии Тоҷикистон ва Амрико баррасӣ гардид
Дар Москва ҷаласаи роҳбарони мақомоти зиддиинҳисории давлатҳои аъзои Созмони ҳамкории Шанхай баргузор шуд
АГЕНТИИ НАЗОРАТИ ЭНЕРГЕТИКӢ ТАЪСИС ДОДА ШУД. Дар қонунгузории Тоҷикистон барои истифодаи ғайриқонунии неруи барқ ҷавобгарии ҷиноятӣ пешбинӣ гардид
