Моҳи май дар Душанбе Форуми «Фонди байналмилалӣ оид ба ҳамкории гуманитарӣ — фарҳангӣ» доир мешавад
ДУШАНБЕ, 19.02.2025. /АМИТ «Ховар»/. 14-15 майи соли равон дар шаҳри Душанбе Форуми «Фонди байналмилалӣ оид ба ҳамкории гуманитарӣ — фарҳангӣ» баргузор мегардад. Дар ин хусус ба АМИТ «Ховар» аз маркази матбуоти Вазорати маориф ва илми Ҷумҳурии Тоҷикистон хабар доданд.
Вазъи корҳои омодагӣ ҷиҳати баргузор намудани форуми мазкур дар вохӯрии Вазири маориф ва илми Ҷумҳурии Тоҷикистон Раҳим Саидзода бо намояндаи махсуси Президенти Федератсияи Русия оид ба ҳамкории байналмилалии фарҳангӣ Михаил Швидкой ва Сафири Фавқулода ва Мухтори Федератсияи Русия дар Ҷумҳурии Тоҷикистон Семён Григорев баррасӣ гардид. Инчунин дар мулоқот масъалаҳои рафъи мушкилоти таҳсили шаҳрвандони Ҷумҳурии Тоҷикистон дар ҳудуди Федератсияи Русия, омӯзиши забони русӣ ва робитаҳои байни муассисаҳои таълимии ду давлат мавриди баррасӣ қарор дода шуданд.
Ҳамзамон дар вохӯрӣ масъалаҳои зиёд намудани бурсияҳои таҳсилӣ дар равияи омӯзгорӣ, лоиҳаҳои муштарак дар самтҳои гуногуни соҳа, доир намудани мактабҳои тобистона барои хонандагону донишҷӯён, баргузор намудани чорабиниҳои маърифатӣ, фарҳангӣ ва таърихӣ, таҷрибаомӯзӣ дар заминаҳои донишгоҳҳои самти омӯзгорӣ муҳокима гардиданд.
Таъкид шуд, ки ҳамкории Ҷумҳурии Тоҷикистон ва Федератсияи Русия дар асоси Созишномаи байни Ҷумҳурии Тоҷикистон ва Федератсияи Русия оид ба ҳамкорӣ дар соҳаи илм, технология, маориф, тандурустӣ, иттилоот, варзиш ва сайёҳӣ тақвият меёбад. Ин ҳамкорӣ дар натиҷаи фаъолияти судманди ду ҷониб сол то сол густариш меёбад.
Михаил Швидкой омодагии ҷониби Федератсияи Русияро ҷиҳати дар сатҳи хубтар ба роҳ мондани ҳамкорӣ иброз намуд. Ӯ тақвияти ҳамкории тарафҳоро дар самтҳои муассисаҳои таҳсилоти миёнаи умумӣ, таҳсилоти олии касбӣ, баъдидипломӣ ва табодули таҷрибаву дониши донишҷӯёну устодон муҳим арзёбӣ кард.
Иброз гардид, ки омӯзиши забони русӣ дар Ҷумҳурии Тоҷикистон аз зинаи таҳсилоти томактабӣ то зинаи таҳсилоти олии касбӣ пешбинӣ шуда, дар миқёси ҷумҳурӣ муассисаҳои муштарак дар самтҳои таҳсилоти миёнаи умумӣ ва олии касбӣ фаъолият менамоянд. Аз ин рӯ, бо кадрҳои баландихтисоси равияи омӯзгорӣ, махсусан омӯзгорони забони русӣ таъмин будани муассисаҳои таълимӣ омили таъсиррасон дар рушди соҳаи маориф ва тавсеаи ҳамкории дуҷониба дар самтҳои гуногуни соҳаҳои иҷтимоӣ мебошад.
АКС: Маркази матбуоти Вазорати маориф ва илми Ҷумҳурии Тоҷикистон
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
