Муовини якуми Раиси ҲХДТ Маликшо Неъматзода бо муовини Дабири кулли ИДМ Нурлан Сейтимов мулоқот намуд
ДУШАНБЕ, 10.02.2025 /АМИТ «Ховар»/. Имрӯз муовини якуми Раиси Ҳизби Халқии Демократии Тоҷикистон Маликшоҳ Неъматзода бо муовини Дабири кулли Иттиҳоди Давлатҳои Мустақил /ИДМ/ Нурлан Сейтимов, ки бо мақсади оғози фаъолияти ҳайати мушоҳидони байналмилалӣ аз Иттиҳоди Давлатҳои Мустақил дар интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ба Тоҷикистон омадааст, мулоқот намуд. Дар ин хусус АМИТ «Ховар» бо истинод ба Ҳизби Халқии Демократии Тоҷикистон иттилоъ медиҳад.
Зимни мулоқот муовини якуми Раиси Ҳизби Халқии Демократии Тоҷикистон Маликшо Неъматзода иброз дошт, ки интихобот ҳамчун маъракаи муҳими сиёсӣ аз ҳар шаҳрванди мамлакат ба хотири рушду ободии фардои мамлакат ва осоиши наслҳои оянда фарҳанги баланди сиёсӣ, ҳисси ватандӯстӣ ва масъулиятшиносиро тақозо мекунад. Ҳизби Халқии Демократии Тоҷикистон ҳамеша ҷонибдори шаффоф ва дар доираи қонун баргузор гардидани интихобот буда, шахсони соҳибтаҷриба, ташаббускор ва дурандешу донишмандро ба мақоми олии қонунбарор – Парламенти Ҷумҳурии Тоҷикистон ва маҷлисҳои маҳаллӣ пешбарӣ намудааст, то дар панҷ соли оянда ба Ватан, давлат ва ҷомеа содиқона хизмат намоянд.
Ҳизби Халқии Демократии Тоҷикистон ба интихоботи дарпешистода бо барномаи худ, ки фарогири тамоми масъалаҳои муҳимми ҳаёти ҷомеа ва давлат аст, ворид мегардад. Дар посух ба саволи меҳмонон, ки Ҳизби Халқии Демократии Тоҷикистон аз кадом роҳу воситаҳои таблиғотӣ дар интихобот истифода менамояд, Маликшо Неъматзода иброз дошт, ки дар баробари матбуоти даврӣ мо имрӯз бо назардошти рушди воситаҳои иттилоотӣ аз тариқи сомонаҳои интернетию шабакаҳои иҷтимоӣ таблиғотро вусъат бахшидаем. Ҳамзамон дар асоси дастуру ҳидоятҳои Раиси Ҳизби Халқии Демократии Тоҷикистон муҳтарам Эмомалӣ Раҳмон дар маҳалу минтақаҳо номзадҳои мо бо мардум суҳбати рӯ ба рӯ анҷом дода, мазмуну моҳияти Барномаи ҳизб ва нақшаҳои минбаъдаамонро, ки фарогири ҳалли мушкилоти аҳолӣ мебошанд, амалӣ менамоем.
Нурлан Сейтимов иброз дошт, ки ҳайати мушоҳидони байналмилалӣ аз Иттиҳоди Давлатҳои Мустақил барои мушоҳидаи дарозмуддат ва кӯтоҳмуддати раванди интихобот ба Ҷумҳурии Тоҷикистон ҷалб шуда, раванди интихоботро дар Тоҷикистон 10 нафар мушоҳид ба таври дарозмуддат ва 120 нафар ба таври кӯтоҳмуддат мушоҳида менамоянд. Онҳо бе дахолат ба кори комиссияҳои интихоботӣ ва раванди интихобот фаъолият мекунанд.
Муовини Дабири кулли Иттиҳоди Давлатҳои Мустақил дар доираи мулоқот бо Ситоди пешазинтихоботии Ҳизби Халқии Демократии Тоҷикистон шинос шуда, ба суолҳои худ посух гирифт.
АКС: Ҳизби Халқии Демократии Тоҷикистон
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
Оид ба нақши ҷавонон дар татбиқи ташаббусҳои ҷаҳонии Президенти Тоҷикистон дар самти обу иқлим ва ҳифзи пиряҳҳо ҳамоиш доир шуд
Либоси зебою шинами миллӣ дар ҳамаи давру замон зинатбахши занону духтарони тоҷик аст
Бахшида ба Соли байналмилалии ҳифзи пиряхҳо бо ибтикори Ҳизби Халқии Демократии Тоҷикистон ҳамоиш доир шуд
