НИШАСТИ МАТБУОТӢ. Аз ҷониби Палатаи ҳисоб қариб 80 миллион сомонӣ зарари молиявӣ берун аз нақша барқарор гардид
ДУШАНБЕ, 12.02.2025 /АМИТ «Ховар»/. Соли 2024 аз ҷониби аудиторони Палатаи ҳисоби Ҷумҳурии Тоҷикистон дар вазорату идораҳо, марказ ва гурӯҳҳои татбиқи лоиҳаҳои сармоягузорӣ, бонкҳо, субъектҳои хоҷагидорӣ ва дигар муассисаҳои буҷетӣ 192 чорабинии аудиторӣ гузаронида шуд. Зимни он қоидавайронкуниҳои молиявӣ ба маблағи 506 миллиону 700 ҳазор сомонӣ муайян гардид. Дар ин хусус имрӯз зимни нишасти матбуотӣ Раиси Палатаи ҳисоби Ҷумҳурии Тоҷикистон Ҷамшед Каримзода иттилоъ дод.
Аз маблағи умумии қоидавайронкуниҳои молиявӣ зарари молиявӣ аз ҳисоби хароҷоти ғайриқонунии пулию молӣ 37,3 миллион сомонӣ, камомад ва тасарруфи воситаҳои пулию молӣ 1,6 миллион сомонӣ, изофанависӣ дар корҳои таъмиру сохтмонӣ 37,1 миллион сомонӣ ва аз фурӯш ва иҷораи амволи давлатӣ 3,2 миллион сомонӣ муайян ва барқарор карда шуд. Дар маҷмуъ он 79 миллиону 200 ҳазор сомониро ташкил медиҳад.
Дар давраи ҳисоботӣ дар 24 марказ ва гурӯҳҳои татбиқи лоиҳаҳои сармоягузории давлатӣ чорабиниҳои аудиторӣ гузаронида шуда, қоидавайронкуниҳои молиявӣ аз ҳисоби изофанависӣ дар корҳои таъмиру сохтмонӣ ба маблағи 14,3 миллион сомонӣ муайян шуданд. Инчунин қоидавайронкуниҳои молиявӣ ба маблағи 135,1 миллион сомонӣ дар 74 субъекти хоҷагидорӣ ошкор карда шуд.
Тибқи қоидаҳои муқарраршуда, дар ин давра аз натиҷаи чорабиниҳои аудитории Палатаи ҳисоб 45 мавод ба маблағи 33 миллиону 800 ҳазор сомонӣ барои чораҷӯӣ ва қабули қарорҳои дахлдор ба мақомоти ҳифзи ҳуқуқ, аз ҷумла ба Прокуратураи генералӣ 19 мавод ба маблағи 22 миллион сомонӣ, ба Агентии назорати давлатии молиявӣ ва мубориза бо коррупсия 25 мавод ба маблағи 11 миллиону 800 ҳазор сомонӣ ва ба Кумитаи давлатии амнияти миллӣ 1 мавод ба маблағи 5 ҳазор сомонӣ ирсол гардид. Барои бартараф намудани камбудию норасоиҳои молиявӣ ба вазорату идораҳо, корхонаю муассисаҳо ва марказҳои лоиҳаҳои сармоягузорӣ 47 хулоса ва мактубҳои ахборӣ бо 1481 тавсияи судманд ирсол карда шуда, аз баррасии онҳо 80 қарору фармон қабул гардид.
Инчунин дар нишаст гуфта шуд, ки аз 192 чорабинии аудиторӣ 83-тои он ба тариқи фосилавӣ гузаронида шуд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
