Озмуни ҷумҳуриявии «Муаллими сол» ҷамъбаст гардид
ДУШАНБЕ, 19.02.2025. /АМИТ «Ховар»/. Имрӯз дар шаҳри Душанбе аз ҷониби Вазорати фарҳанги Ҷумҳурии Тоҷикистон Озмуни ҷумҳуриявии «Муаллими сол» байни муассисаҳои таҳсилоти миёнаи махсус, миёнаи касбӣ ва олии касбӣ ҷамъбаст гардид. Дар он аз байни муассисаҳои олии касбӣ омӯзгори Донишкадаи давлатии фарҳанг ва санъати Тоҷикистон ба номи Мирзо Турсунзода Зафар Шариф, байни муассисаҳои таҳсилоти миёнаи махсус- омӯзгори Мактаб-интернати миёнаи махсуси санъати ҷумҳуриявӣ ба номи Миратулло Атоев Абдусалом Орипов ва байни муассисаҳои миёнаи касбӣ омӯзгори Коллеҷи санъати шаҳри Душанбе ба номи Аҳмад Бобоқулов Лутфуллои Раҳматулло сазовори ҷойи якум ва мукофотпулӣ гардиданд. Ҳамчунин дар ин рӯз ғолибони ҷойи дуюм ва сеюм низ қадрдонӣ шуданд.
Тавре аз Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, дар ин рӯз иштирокчиёни озмуну фестивалҳои байналмилалӣ, ҳунарпешагон, гурӯҳҳои ҳунарӣ ва муассисаҳое, ки давоми соли 2024 фаъолияти назаррас доштанд, ҳавсманд гардонида шуданд.
Ҳадаф аз баргузории Озмуни ҷумҳуриявии «Муаллими сол» баланд бардоштани мақоми таҳсили касбӣ дар шароити имрӯза ва нишон додани афзалияти он дар пешрафти ҷомеа мебошад. Инчунин барои дарёфти омӯзгорони боистеъдод, навовар ва эҷодкоре, ки дар эҷоди барномаҳои таълимии таҳсил заминаи мусоид фароҳам меоранд.
Даври аввали озмун дар муассисаҳои таҳсилоти миёнаи умумии махсус 15 декабри соли 2024 ва даври дуюм дар муассисаҳои таҳсилоти миёнаи касбӣ 15 январи соли 2025 баргузор гардид. Даври сеюми озмун дар муассисаҳои таҳсилоти олии касбӣ 23 январ ҷамъбаст шуд.
АКС: АМИТ «Ховар»
Байни Донишгоҳи байналмилалии сайёҳӣ ва соҳибкории Тоҷикистон ва MERI Centre for International Studies Ёддошти тафоҳум ба имзо расид
МАОРИФ — САРМОЯИ МИЛЛАТ. Дар ҳошияи суханронии Президенти Тоҷикистон муҳтарам Эмомалӣ Раҳмон ба муносибати Рӯзи дониш
35 СОЛИ ИСТИҚЛОЛ. Донишгоҳи давлатии омӯзгории Тоҷикистон ба талаботи асри технология мутобиқ гардидааст
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
