Соли 2024 блогерони тоҷик ба маблағи зиёда аз 2 миллион сомонӣ андоз супориданд
ДУШАНБЕ, 14.02.2025 /АМИТ «Ховар»/. Соли 2024 блогерони тоҷик ба маблағи 2 миллиону 200 ҳазор сомонӣ андоз супориданд. Дар ин хусус 13 феврал зимни нишасти матбуотӣ муовини сардори Сарраёсати маъмурикунонии андози Кумитаи андози назди Ҳукумати Ҷумҳурии Тоҷикистон Ҷаҳонгир Рабизода иттилоъ дод.
Имрӯзҳо шумораи зиёди шаҳрвандону ҳунармандон, аз ҷумла блогерон (блокнависон) шабакаҳои иҷтимоиро манбаи даромад қарор дода, аз ҳисоби тарғиби зиёди молу маҳсулот, гузоштани видео-роликҳо, ҳар гуна филмҳои кӯтоҳ, ташкил намудани пранк ва дигар саҳнаҳои ҳаҷвӣ дар шабакаҳои иҷтимоӣ каналҳои шахсӣ боз намуда, даромад ба даст меоранд. Аммо на ҳамаи онҳо тибқи талаботи Кодекси андоз доир ба даромадҳои ба дастовардаашон андозҳоро ҳисоб ва ба буҷет пардохт намудаанд.
Ба иттилои Ҷаҳонгир Рабизода, дар натиҷаи гузаронидани корҳои фаҳмондадиҳию назоратӣ дар мақомоти андоз ба ҳолати 1 январи соли 2025, 114 субъекти соҳибкорӣ, аз ҷумла 71 соҳибкори инфиродии тибқи шаҳодатнома фаъолияткунанда ва 43 шахси ҳуқуқӣ, ки тавассути шабакаҳои интернетӣ ба фаъолияти блогерию вайнерӣ машғул мебошанд, ба қайди давлатӣ гирифта шуданд. Ин шумора нисбат ба аввали соли 2024 26 нафар зиёд мебошад.
Тибқи махзани маълумот, даромади умумии субъектҳои дар соҳаи блогерӣ фаъолияткунанда соли 2024 дар маҷмуъ 27 миллиону 100 ҳазор сомониро ташкил дода, нисбат ба ҳамин давраи соли 2023 ба маблағи 8 миллиону 400 ҳазор сомонӣ зиёд мебошад. Дар ин давра аз ҷониби ин субъектҳо ба маблағи 2 миллиону 600 ҳазор сомонӣ андозҳо ҳисоб ва ба буҷет 2 миллиону 200 ҳазор сомонӣ пардохт гардидааст, ки нисбат ба ҳамин давраи соли 2023 маблағи андозҳои ҳисобшуда 510 ҳазору 400 сомонӣ зиёд мебошад.
Бояд гуфт, ки дар асоси муқаррароти моддаи 185 Кодекси андози Ҷумҳурии Тоҷикистон ҳама гуна даромад, подошпулӣ ва манфиатҳое, ки андозсупоранда дар шакли пулӣ, моддӣ ва ғайримоддӣ аз фаъолияти сохибкорӣ гирифтааст, мавриди андозбандӣ қарор дода мешавад. Бинобар ин даромадҳои аз шабакаҳои иҷтимоии «Facеbook», «Instagram», «Telegram», «You Tube» ва ғайра бадастовардаи блогерон мутобиқи талаботи ин моддаи Кодекси андоз мавриди андозбандӣ қарор дода мешаванд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
