ТАҚВИМИ АМИТ «ХОВАР»: имрӯз 16 феврал, якшанбе, 47-умин рӯзи соли 2025 аст

16 феврали соли 1903 аввалин маротиба барои пурра намудани дандонҳо  фарфор истифода гардид.

***

Дар ин рӯзи соли 1968 аввалин маротиба дар таърихи истифодаи телефон рақами  хадамоти кумакрасонии фавқулода – 911 ба истифода дода шуд.

***

16 феврали соли 2005 Ҷамъияти  саҳомии   муштараки  Русия  ва  Тоҷикистон -Неругоҳи барқи  обии  «Сангтӯда – 1» таъсис ёфт.

***

16 феврали соли 2009 Президенти Ҷумҳурии Тоҷикистон Эмомалӣ Раҳмон ба мақоми Президенти Кумитаи миллии олимпии Ҷумҳурии Тоҷикистон интихоб гардиданд.

***

16 феврали соли 2010 палатаи поёнии Парлумони Тоҷикистон Конвенсияи Созмони ҳамкории Шанхай барои мубориза бо терроризмро, ки яке аз ҳуҷҷатҳои муҳими давлатҳои аъзои созмон мебошад, ба тасвиб расонид.

***

16 феврали соли 2012 Президенти Тоҷикистон муҳтарам Эмомалӣ Раҳмон доир ба ҳифзи иҷтимоии аҳолӣ, аз ҷумла таъмини саривақтии нафақа машварати корӣ доир намуданд.

***

Дар ин рӯзи соли 2015 дар шаҳри Душанбе машварати Тоҷикистон ва Кувайт оид ба масъалаҳои рушди туризми байналмилалӣ доир шуд.

***

16 феврали соли 2017 дар шаҳри Душанбе Форуми тиҷоратии доираҳои соҳибкории Ҷумҳурии Тоҷикистон ва Ҷумҳурии Туркия баргузор гардид.

***

16 феврали соли 2021 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо  корҳои сохтмонӣ дар Майдони «Истиқлол» шинос шуданд.

***

16 феврали соли 2022 дар Душанбе ҳамкории дуҷониба дар самтҳои мусоидат барои амалигардонии ҳадафу афзалияти рушди Ҷумҳурии Тоҷикистон, татбиқи «Барномаи миёнамуҳлати рушди Ҷумҳурии Тоҷикистон барои солҳои 2021-2025» дар мулоқоти Вазири рушди иқтисод ва савдои ҷумҳурӣ Завқӣ Завқизода бо намояндаи доимии Барномаи рушди Созмони Милали Муттаҳид дар Ҷумҳурии Тоҷикистон Лени Монтиел баррасӣ гардид.

16 ФЕВРАЛ:

Рӯзи барқарорсозии давлати Литва.