Бахшида ба Ҷашни байналмилалии Наврӯз дар саросари Тоҷикистон беш аз ҳазор чорабинии фарҳангӣ баргузор мешавад
ДУШАНБЕ, 18.03.2025. /АМИТ «Ховар»/. Аз 1 март то 5 апрел дар боғҳои фарҳангӣ-фароғатӣ ва шаҳру ноҳияҳои Тоҷикистон 1077 чорабинии фарҳангӣ баргузор мегардад.
Тавре ба АМИТ «Ховар» сардори Раёсати муассисаҳои фарҳангии Вазорати фарҳанги Ҷумҳурии Тоҷикистон Хуршед Низом иттилоъ дод, ҷашнҳои миллии тоҷикон, аз ҷумла Наврӯз, Сада, Тиргон ва Меҳргон падидаҳои иҷтимоӣ-фарҳангие мебошанд, ки ба ҳодисаҳои табиат иртибот дошта, таҷлили онҳоро ниёгони мо — ориёиҳо бунёд гузоштаанд.
Бо назардошти аҳамияти махсуси Ҷашни байналмилалии Наврӯз Вазорати фарҳанги Ҷумҳурии Тоҷикистон бобати омодагӣ ва таҷлили сазовори он «Консепсияи Наврӯзи деҳот» ва «Тақвими баргузории чорабиниҳо бахшида ба ҷашни Наврӯз»-ро таҳия намуда, онро мавриди амал қарор додааст.
Мутобиқи «Тақвими баргузории чорабиниҳо бахшида ба ҷашни Наврӯз» аз ҷониби муассисаҳои фарҳангӣ дар вилоятҳо ва шаҳру ноҳияҳо чорабиниҳои оммавию сиёсӣ ва намоиши ҳунарҳои бадеии халқӣ баргузор мегарданд. Инчунин намоишҳои театрикунонида ва таърихию асотирӣ, мусобиқаҳои фарҳангию варзишӣ, зеҳнӣ, саёҳати мавзеъҳои таърихӣ, намоиши суннатҳои наврӯзӣ бо оростани хони наврӯзӣ ва корҳои созандагию бунёдкорӣ ба нақша гирифта шудааст.
Ҳамзамон барои ҷалби ҳарчӣ бештари мардум ба таҷлили ҷашни Наврӯз дар муассисаҳои фарҳангӣ бо аҳли зиё — адибон, олимон, ҳунармандон, мутахассисони соҳаҳои гуногун ва собиқадорони ҷангу меҳнат вохӯриҳо гузаронида мешаванд.
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
Роҳбарияти Осорхонаи миллии Тоҷикистон бо ҳафриёти бостоншиносӣ дар ёдгории бостонии Сайёд шинос шуд
РИОЯИ ФАРҲАНГИ МИЛЛӢ. Дар Донишкадаи давлатии фарҳанг ва санъати Тоҷикистон барои блогерон даври омӯзишӣ гузаронида мешавад
Аз ноҳияи Темурмалик ёдгориҳои нодири мансуб ба асри биринҷ ва давраи Кушониён бозёфт гардиданд
Китоби «Дар ҳавои Мавлоно»-и Раҳмоналӣ Мирализода рӯнамоӣ гардид
Дар Душанбе Рӯзи фарҳанги ноҳияи Дарвоз баргузор гардид
Рӯзи фарҳанги ноҳияи Балҷувон шукуҳманд таҷлил карда шуд
