Дар Донишгоҳи давлатии молия ва иқтисоди Тоҷикистон ба муносибати Соли байналмилалии ҳифзи пиряхҳо конфересияи байналмилалӣ баргузор шуд
ДУШАНБЕ, 29.03.2025. /АМИТ «Ховар»/. 29 март дар Донишгоҳи давлатии молия ва иқтисоди Тоҷикистон ба муносибати Соли байналмилалии ҳифзи пиряхҳо эълон шудани соли 2025 конференсияи байналмилалии илмӣ-назариявӣ дар мавзуи «Тағйирёбии иқлим ва таъсири он ба обшавии пиряхҳо» баргузор гардид. Дар ин хусус ба АМИТ «Ховар» аз шуъбаи иттилоот ва нашрияи Донишгоҳи давлатии молия ва иқтисоди Тоҷикистон хабар доданд.
Зимни ифтитоҳи конферения иброз гардид, ки бо ташаббуси Пешвои миллат соли 2025 Соли байналмилалии ҳифзи пиряхҳо эълон шуда, он имкони хуб барои муаррифии иқтидори илмӣ ва имконияти бунёдии Тоҷикистон дар масъалаи ҳифзи пиряхҳо арзёбӣ мегардад.
«Маврид ба таъкид аст, ки иқдоми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо пуштибонии 153 давлати аъзои Созмони Милали Муттаҳид пазируфта шуд. Ба андешаи коршиносони соҳа, қабул гардидани Қатъномаи «Соли 2025 – Соли байналмилалии ҳифзи пиряхҳо» барои баланд бардоштани нуфузи Тоҷикистон дар масъалаи ҳифзи пиряхҳо ва ҷалби таваҷҷуҳи ҷомеаи ҷаҳон ба ин масъала такони ҷиддӣ хоҳад бахшид», — гуфта шуд дар идома.
Иштирокдорони конференсияи дар мавзуъҳои «Таъсиррасонии техногенӣ ба муҳити зисти табиӣ дар шароити тағйирёбии иқлим», «Адаптация к изменению климата в Кыргызстане: значение лесных экосистем для устойчивости региона», «Беасосии (марги гармии олам) ва кӯшишҳои бартарафкунии он» ва «Аҳамияти пиряхҳои Тоҷикистон дар таъмини рушди иқтисоди сабз» маърӯзаҳо намуданд.
Тазаккур дода шуд, ки давоми даҳсолаҳои охир обшавии босуръати пиряхҳо таҳти таъсири тағйирёбии иқлим ба таҳдиди глобалии сайёра табдил ёфтааст. Тибқи пешгӯиҳои коршиносон, дар шароити тағйирёбандаи иқлим дар охири асри XXI сеяки пиряхҳои кураи Замин аз байн мераванд. Обшавии пиряхҳо мувозинати экологиро вайрон намуда, ба гардиши об дар сайёраи мо таҳдидҳои ҷиддӣ эҷод мекунад.
Бинобар ин иштирокдорон ташаббуси навбатии Тоҷикистонро дар масъалаи мавриди назар саривақтӣ ва манфиатовар дониста, иброз доштанд, ки ин иқдом барои рушди ҳамкории тарафҳои манфиатдор заминаи муносиб фароҳам меорад.
АКС: шуъбаи иттилоот ва нашрияи Донишгоҳи давлатии молия ва иқтисоди Тоҷикистон
Элиза Фернандес: «Маротибаи сеюм аст ба Тоҷикистон меоям, ҳар дафъа бештар ошиқи ин сарзамини кӯҳҳои баланд мешавам»
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Дар Донишгоҳи давлатии Кӯлоб вобаста ба ташаббусҳои ҷаҳонии Президенти Тоҷикистон ҳамоиш доир шуд
Шарифа Худобахш: «Тадқиқоти криосфера бояд ба низоми идоракунии захираҳои об ворид карда шавад»
Душанбе ба майдони муколамаҳои густардаи масоили ҷаҳонии экологӣ табдил ёфт
«Ice Memory» — ташаббуси байналмилалӣ барои ҳифзи хотираи иқлим ва муҳити зист
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Мавзеи сайёҳии «Арху» ба макони писандидаи сайёҳон табдил ёфтааст
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Иштирокдорони Конфронси байналмилалии сатҳи баланд оид ба ҳифзи пиряхҳо тавассути VR айнакҳо пиряхҳои Тоҷикистон ва ҷаҳонро тамошо намуданд
Ҳадафи ташаббусҳои ҷаҳониии Президенти Тоҷикистон рафъи норасоии об дар саросари дунё ва пешгирии хатарҳои камобӣ мебошад
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
