Мулоқоти роҳбарияти Ҳизби Халқии Демократии Тоҷикистон бо ҳайати мушоҳидони байналмиллалӣ аз Ассамблеяи байнипарлумонии ИДМ

ДУШАНБЕ, 01.03.2025. /АМИТ «Ховар»/. 1 март дар шаҳри Душанбе муовини якуми Раиси Ҳизби Халқии Демократии Тоҷикистон Маликшо Неъматзода бо гурӯҳи мушоҳидони байналмиллалии Ассамблеяи байнипарлумонии Иттиҳоди Давлатҳои Мустақил, ки ҷиҳати иштирок дар интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои вакилони халқи Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо дар Ҷумҳурии Тоҷикистон қарор дорад, мулоқот намуд. Дар ин хусус ба АМИТ «Ховар» аз Ҳизби Халқии Демократии  Тоҷикистон хабар доданд.

Зимни мулоқот аз имконияту зарфиятҳо  ва ҳадафҳои Ҳизби Халқии Демократии  Тоҷикистон ҷиҳати  иштирок дар интихобот маълумот дода шуд.

Дар мулоқот меҳмонон таассуроти худро вобаста ба раванди омодагӣ ба интихобот баён намуда, таъкид доштанд, ки давоми чанд рӯз дар асоси барномаи тарҳрезишуда бо роҳбарият ва намояндагони мақомоти масъул вохӯриҳо баргузор намуданд.

Марҳилаи муҳим оид ба рушд додани ҷараёни назорати байналмилалии  интихобот дар кишварҳои аъзои ИДМ тасдиқи «Конвенсия дар бораи меъёрҳои интихоботи демократӣ, ҳуқуқ ва озодиҳои интихоботӣ» аз ҷониби кишварҳо  иштирокчиёни Ассамблеяи байнипарлумонии Иттиҳоди Давлатҳои Мустақил арзёбӣ гардид, ки Ҷумҳурии Тоҷикистон ба он аз соли 2003 ҳамроҳ мебошад.

АКС: Ҳизби Халқии Демократии  Тоҷикистон