Таҷлили ҷашни Наврӯз дар Сафорати Ҷумҳурии Тоҷикистон дар Давлати Кувайт
ДУШАНБЕ, 21.03.2025 /АМИТ «Ховар»/. 20 март дар Сафорати Ҷумҳурии Тоҷикистон дар Давлати Кувайт ҷашни Наврӯзи байналмилалӣ тибқи расму оини аҷдодии мардуми тоҷик дар сатҳи баланд баргузор карда шуд.
Дар таҷлили Иди Наврӯз роҳбарият ва намояндагони вазорату идораҳои кишвари мизбон, аъзои оилаи амирӣ, зиёда аз 115 сафиру роҳбарони созмонҳои байналмилалии муқим, намояндагони ширкатҳои сайёҳӣ, фаъолони шабакаҳои иҷтимоӣ, тоҷикони бурунмарзӣ, донишҷӯён ва доираи васеи хабарнигорон иштирок намуданд.
Атроф ва саҳни Сафорат бо шиору овезаҳои идона, густурдани дастархони наврӯзӣ, ҳафтсину ҳафтшин, сабзаи баҳорӣ, сумалак, меваҳои тарутозаи ватанӣ, хушкмева, нону кулча ва анвои гуногуни таъомҳои миллӣ оро дода шуд.
Барои муаррифии шоистаи дастовардҳои фарҳангию сайҳёии кишвар ва бо мақсади ҷалби бештари сайёҳони хориҷӣ, гӯшаи махсус тартиб дода шуда, дар он маводҳои гардишгарӣ, аз қабили китобчаҳои роҳнамо, харитаи мавзеъҳои диданию таърихӣ, армуғонҳо ва ашёҳои намунаи фарҳанги миллӣ ба меҳмонон тақдим гардид.
Ҳамчунин барои меҳмонон филму наворҳои кӯтоҳ оид ба таъриху тамаддун ва дастовардҳои миллӣ намоиш дода шуд.
Сафири Ҷумҳурии Тоҷикистон дар Давлати Кувайт оид ба дастовардҳои фарҳанги миллии мамлакат зери сиёсати фарҳангии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маълумот дод.
АКС: Сафорати Ҷумҳурии Тоҷикистон дар Давлати Кувайт
Дар Токио машваратҳои сиёсии байниидоравии Тоҷикистон ва Ҷопон баргузор гардиданд
Дар Теҳрон масъалаҳои консулӣ байни Тоҷикистон ва Эрон баррасӣ шуданд
Сарвазири Ҷумҳурии Тоҷикистон Қоҳир Расулзода бо Президенти Ҷумҳурии Қирғизистон Садир Жапаров мулоқот намуд
Намояндаи Тоҷикистон дар ҳафтумин Иҷлосияи махсуси мавзуӣ оид ба об ва офатҳои табиӣ иштирок намуд
Ҳайати Тоҷикистон дар иҷлосияи 47-уми Кумитаи мероси ҷаҳонии ЮНЕСКО иштирок дорад
Фаррух Шарифзода бо муовини парлумонии Вазири корҳои хориҷии Ҷопон мулоқот намуд
Президенти Ҷумҳурии Қирғизистон Садир Жапаров дар пояи муҷассамаи Исмоили Сомонӣ гулчанбар гузошт
Президенти Ҷумҳурии Қирғизистон бо сафари давлатӣ ба Ҷумҳурии Тоҷикистон меояд
Cафири Тоҷикистон бо раиси Бонки марказии Баҳрайн мулоқот намуд
Дар шаҳри Москва машваратҳои байниидоравии Тоҷикистону Русия доир гардиданд
Дар Душанбе муносибатҳои дуҷонибаи Тоҷикистон ва Амрико баррасӣ гардиданд
Дурнамои рушди ҳамкории Тоҷикистон ва Баҳрайн дар бахшҳои гуногун баррасӣ шуд
