35-СОЛАГИИ ИСТИҚЛОЛИ ДАВЛАТӢ. Дар ҳамаи ҷамоатҳои деҳоти ноҳияи Мастчоҳ кӯдакистон сохта мешавад
ДУШАНБЕ, 20.04.2025. /АМИТ «Ховар»/. Ба пешвози 35-солагии Истиқлоли давлатӣ дар ноҳияи Мастчоҳ 735 иншооти таъйиноти гуногун бунёд, таъмир ва навсозӣ карда мешавад. Дар ин хусус ба АМИТ «Ховар» аз Хадамоти матбуоти Раиси вилояти Суғд иттилоъ доданд.
Дар соҳаи маориф сохтмони иншоот, аз ҷумла мактаб, синфхонаҳои иловагӣ ва кӯдакистонҳо бомаром идома дорад. Айни замон бунёди бинои иловагии Муассисаи таҳсилоти миёнаи умумии рақами 14 дар шаҳраки Бӯстон барои 1000 хонанда дар ду баст оғоз гардидааст. Дар баробари ин, дар асоси нақшаи генералии шаҳрак, сохтмони меҳмонхона, марказҳои савдо ва ошхонаҳои миллӣ оғоз гардидаанд.
Бояд гуфт, ки дар ноҳия 12 муассисаи таҳсилоти томактабӣ ва 45 гурӯҳи инкишофи кӯдак фаъолият доранд. Бо мақсади фарогирии бештари кӯдакон ба таълиму тарбия, дар ҳамаи ҷамоатҳои деҳот сохтмони кӯдакистонҳо идома доранд.
Дар ноҳия сохтмони бинои нави кӯдакистони рақами 4 оғоз шудааст, ки дар он барои таълиму тарбияи то 300 кӯдак шароити мусоид муҳайё мегардад.
Дар доираи корҳои ободониву созандагӣ, бинои беморхонаи марказии ноҳия сохта мешавад. Бино аз 4 ошёна ва таҳхона иборат буда, барои 250 кат пешбинӣ шудааст. Беморхона бо таҷҳизоти муосир муҷаҳҳаз хоҳад гардид.
Айни замон аз ҷониби Ҷамъияти дорои масъулияти маҳдуди «Ҷаъфар» сохтмони корхонаи истеҳсоли хишт ҷараён дорад. Ин корхона дар оянда барои таъмини бозор бо масолеҳи сохтмонӣ саҳм хоҳад гузошт.
Ҳамчунин дар шаҳраки Бӯстони ноҳия маркази савдои замонавии «Осиё» сохта мешавад. Марказ аз ду ошёна иборат буда, дар қабати аввал фурӯши маҳсулоти хӯрокворӣ ва дар қабати дуюм фурӯши техника ва таҷҳизоти маишӣ дар назар аст.
АКС: Хадамоти матбуоти Раиси вилояти Суғд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
