Ҷаласаи Шурои ҳукуматӣ оид ба рушди кинематографияи миллӣ баргузор гардид
ДУШАНБЕ, 18.04.2025. /АМИТ «Ховар»/. Дар Муассисаи давлатии «Тоҷикфилм» ҷаласаи навбатии Шурои ҳукуматӣ оид ба рушди кинематографияи миллӣ баргузор гардид. Дар ин хусус ба АМИТ «Ховар» аз «Тоҷикфилм» хабар доданд.
Дар кори ҷаласа муовини Сарвазири Ҷумҳурии Тоҷикистон Дилрабо Мансурӣ, намояндагони вазорату идораҳои дахлдор ва мутахассисони соҳаи синамо иштирок намуданд.
Пеш аз оғоз иштирокчиёни ҷаласа бо ҷараёни корҳои омодагӣ ба наворбардории филми ҳунарии муштараки «Дурахши ахтарон: Ҷомӣ ва Навоӣ» шинос гардиданд.
Иттилоъ дода шуд, ки наворбардории ин филм дар семоҳаи дуюми соли 2025 оғоз гардида, давоми 120 рӯз анҷом дода мешавад.
Ҳоло гурӯҳи эҷодӣ ба марҳилаи интихобу омода кардани маконҳои наворбардорӣ, ҷалби ҳунармандон, сохтани реквизитҳо ва декорҳо, таъмини маводи зарурӣ ва дӯхтани либосҳои қаҳрамонон машғул аст.
Ба иттилои масъулин, то имрӯз аз 6500 реквизити нақшавӣ 1500 нусха китоб ва 2200 дона ашёи гуногуни саҳнавӣ омода гардидааст.
Дар ҷаласа раванди таҳия ва наворбардории филми ҳунарии таърихии муштараки «Дурахши ахтарон: Ҷомӣ ва Навоӣ», иҷозатномадиҳӣ ба соҳаи филмофарӣ ва таҳияи силсилафилмҳои телевизионӣ, пешниҳоди Шурои бадеии Муассисаи давлатии «Тоҷикфилм» оид ба баргузории Синамоҷашнвораи дуюми байналмилалии Душанбе «Тоҷи Сомон» баррасӣ гардид.
Ҳамчунин зимни ҷаласа вобаста ба баргузории Синамоҷашнвораи дуюми байналмилалии Душанбе «Тоҷи Сомон» таъкид гардид, ки ҳадафи асосии он муаррифии зебоиҳои табиии мамлакат ва ҷалби таваҷҷуҳи байналмилалӣ ба имконоти сайёҳии Тоҷикистон мебошад.
Иброз гардид, ки яке аз хусусияти фарқкунанда ва муҳими ҷашнвораи дуюм — таъсиси ҷоизаи махсуси «Синамо бе сарҳад» мебошад. Ин ҷоиза барои саҳми муносиб дар рушду тавсеаи дӯстии халқҳо ва ҳамкории кинематографистони кишварҳои аъзои Иттиҳоди Давлатҳои Мустақил таъсис ёфта, паёми сулҳ, ваҳдат ва табодули фарҳангиро бо забони синамо ба ҷаҳониён мерасонад.
Ин иқдом на танҳо арзишҳои умумибашариро тарғиб мекунад, балки синаморо ҳамчун воситаи ҳамгироии фарҳангӣ ва робитаи байналмилалӣ муаррифӣ менамояд.
АКС: Муассисаи давлатии «Тоҷикфилм»
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
