Бахшида ба Рӯзи байналмилалии моликияти зеҳнӣ як зумра ихтироъкорони Тоҷикистон қадрдонӣ карда шуданд
ДУШАНБЕ, 26.04.2025. /АМИТ «Ховар»/. 25 апрел дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон бахшида ба Рӯзи байналмилалии моликияти зеҳнӣ ҷаласаи тантанавӣ баргузор гардид. Дар ин хусус ба АМИТ «Ховар» аз ин муассиса иттилоъ доданд.
Имсол шиори Рӯзи байналмилалии моликияти зеҳнӣ «Моликияти зеҳнӣ ва мусиқӣ. Назми моликияти зеҳниро эҳсос намо!» мебошад, ки аз ҷониби Созмони умумиҷаҳонии моликияти зеҳнӣ эълон гардидааст.
Зимни ҳамоиш директори Муассисаи давлатии «Маркази миллии патенту иттилоот» Мирзо Исмоилзода иброз дошт, ки «моликияти зеҳнӣ яке аз сарватҳои пурарзиштарини мамлакат ва пояи муҳимтарини иқтисодиёт ба ҳисоб рафта, ин соҳа зери таваҷҷуҳи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Дар ин радиф имрӯзҳо Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон дар асоси дастуру супоришҳои мунтазами Пешвои миллат оид ба ҳавасмандгардонӣ ва дастгирии ихтироъкорон аз тамоми воситаҳои имконпазир истифода менамояд».
Ҳамчунин барои рушди минбаъдаи соҳаи моликияти зеҳнӣ дар Тоҷикистон ва муайян намудани механизми дастгирии минбаъдаи фаъолияи ихтироъкорию навоварӣ бо қарори Ҳукумати Ҷумҳурии Тоҷикистон аз 1 июни соли 2021 «Стратегияи миллии рушди моликияти зеҳнии Ҷумҳурии Тоҷикистон барои давраи то соли 2030» қабул гардидааст. Дар он тамоми тадбирҳо барои ноил шудан ба натиҷаҳои назаррас дар самти рушди соҳаи моликияти зеҳнӣ дар мамлакат зина ба зина пешбинӣ шудаанд.
Зимни ҳамоиши тантанавӣ як зумра ихтироъкорони мамлакат барои саҳми арзанда дар рушди соҳаи ихтироъкорӣ дар Тоҷикистон бо нишони муассиса ва туҳфаҳои хотиравӣ қадрдонӣ карда шуданд.
АКС: Муассисаи давлатии «Маркази миллии патенту иттилоот»
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
