Барои барқарор намудани чарогоҳҳои водии Рашт 20 намуди тухмиҳои бутта ва дарахтон парвариш карда мешаванд

ДУШАНБЕ, 27.04.2025 /АМИТ «Ховар»/. Дар гармхонаи нави Институти ботаника, физиология ва генетикаи растании Академияи миллии илмҳои Тоҷикистон 20 намуди тухмиҳои бутта ва дарахтони маҳаллӣ барои барқарор намудани чарогоҳҳои водии Рашт, ки ба шароити маҳал устуворанд, парвариш карда мешаванд.

Тавре АМИТ «Ховар» бо истинод ба Академияи миллии илмҳои Тоҷикистон хабар медиҳад, бунёди гармхона тавассути лоиҳаи хизматрасонӣ дар самти обу ҳаво ва иқлим (ХООИ) аз ҷониби Каритас Швейтсария ва Агентии Швейтсария оид ба ҳамкорӣ ва рушд (SDC) маблағгузорӣ шудааст. Гармхона ҳамчун парваришгоҳи ниҳолҳо дар ҳамкорӣ бо мутахассисони институт барои барқарор намудани чарогоҳҳои таназзулёфтаи водии Рашт истифода бурда мешавад.

Тухмиҳои бутта ва дарахтони маҳаллӣ аз минтақаҳои гуногуни Тоҷикистон барои мутобиқгардонӣ дар шароити чарогоҳҳои водии Рашт ҷамъоварӣ шудаанд.

АКС: Академияи миллии илмҳои Тоҷикистон