Барои ташкили ғайриқонунии нуқтаи савдо нисбат ба 13 шаҳрванд санади маъмурӣ тартиб дода шуд
ДУШАНБЕ, 30.04.2025. /АМИТ «Ховар»/. Раёсати Вазорати корҳои дохилӣ дар шаҳри Душанбе зимни гузаронидани санҷиш нисбат ба 13 шаҳрванд, ки дар байни роҳи пиёдагузар нуқтаҳои хурди савдо ташкил намуда, барои роҳгузарон монеа эҷод намудаанд, протоколи маъмурӣ тартиб дод.
Тавре аз ин раёсат ба АМИТ «Ховар» хабар доданд, чунин ҳолат дар роҳи пиёдагузари зеризаминии назди «Олами китоб» муайян гардида, ҳолати ҷойдошта бартараф карда шуд.
Мутаассифона, баъзе шаҳрвандон бар хилофи талаботи қонун амал намуда, роҳҳои пиёдагузари зеризаминиро ба фурӯшгоҳ табдил додаанд. Ин амали онҳо боиси ба миён омадани монеа барои роҳгузарон гардидааст.
Ин санҷишҳо барои ба ҳолати аввала баргардонидани роҳҳои пиёдагузари зеризаминӣ аз ҷониби милитсияи пойтахт дар дигар минтақаҳо низ гузаронида мешаванд.
Бо мақсади бартараф намудани омилҳои халалдоркунандаи симои шаҳр, ба танзим даровардани бетартибӣ дар назди бозорҳои ҳудуди шаҳру ноҳияҳои шаҳри Душанбе, аз байн бурдани ҳолатҳои фурӯши ғайрисанитарии маҳсулоти хӯрокворӣ, тоза намудани роҳравҳои назди бозор аз савдои кӯчагӣ, роҳҳои пиёдагузари зеризаминӣ, ки боиси нороҳатӣ ва муроҷиати шаҳрвандон гардидаанд, аз ҷониби Раёсати Вазорати корҳои дохилӣ дар шаҳри Душанбе бо ҷалби кормандони дигар мақомоти ҳифзи ҳуқуқ ва сохторҳои ваколатдори давлатӣ амалиёти пешгирикунанда баргузор мегарданд.
АКС: Раёсати Вазорати корҳои дохилӣ дар шаҳри Душанбе
Кумаки Пешвои миллат муҳтарам Эмомалӣ Раҳмон ба иштирокчии ҷанг аз Душанбе расонида шуд
Раиси шаҳри Душанбе Рустами Эмомалӣ ба сохтмони якчанд иншооти нави мақомоти корҳои дохилӣ санги асос гузоштанд
Раиси шаҳри Душанбе Рустами Эмомалӣ дар муаррифии 30 электробуси нави ширкати «Акиа Авесто автоматив индастри» иштирок намуданд
Бахшида ба Рӯзи ҷаҳонии футбол дар пойтахт Фестивали футбол доир мешавад
Дурнамои ҳамкории шаҳри Душанбе ва иёлоти Ютаи Амрико баррасӣ шуд
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
