Бо иштироки роҳбарони муассисаҳои таҳсилоти миёнаи касбии Тоҷикистон ва Чин машварат баргузор шуд
ДУШАНБЕ, 21.04.2025 /АМИТ «Ховар»/. Дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон таҳти унвони «Ҳамкорӣ байни Тоҷикистон ва Чин дар соҳаи таҳсилоти касбӣ дар соли 2025» бо иштироки роҳбарони якчанд муассисаи таҳсилоти миёнаи касбии Тоҷикистон ва Чин машварат баргузор шуд. Дар ин хусус АМИТ «Ховар» бо истинод ба ин кумита хабар медиҳад.
Иброз гардид, ки Тоҷикистон ва Чин ҳамчун ҳамсоя ва шарикони стратегӣ муносибатҳои дӯстонаро дар асоси эҳтиром, ҳамфикрӣ ва дастгирии ҳамдигар таҳким бахшида, дар самтҳои мухталиф ҳамкории самарабахш доранд.
Як зумра роҳбарони муассисаҳои таҳсилоти миёнаи касбии Тоҷикистону Чин вобаста ба самтҳои фаъолияти муассисаҳои худ, роҳҳои таҳким бахшидани ҳамкории дуҷониба ва табодули донишу таҷриба ибрози андеша намуданд.
Дар машварат байни Коллеҷи муҳандисию омӯзгории шаҳри Душанбе, Коллеҷи касбии технология ва тиҷорати шаҳри Гуанчжоу дар доираи ҳамкорӣ бо ширкати чинии «Nalike» Ёддошти ҳусни тафоҳум ба имзо расонида шуд.
Имзои ёддошт дар баланд бардоштани самтҳои таълим, тарбия ва илми ин муассисаҳо замина гузошта, ба рушди самтҳои мухталифи ҳамкории самарабахш равона мегардад.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
МАСЛИҲАТ БА ДОВТАЛАБ. Ҳангоми интихоби касб довталаб бояд бештар дониш ва истеъдодашро ба назар гирад
Бахшида ба 1050-солагии Робиаи Балхӣ дар Донишгоҳи давлатии Кӯлоб конференсияи илмӣ-назариявӣ доир гардид
Барои пурсамар гузаронидани давраи таътил ба хонандагон мутолиаи кадом китобҳо тавсия дода мешавад?
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
