Дар Бонки миллии Тоҷикистон ҷаласаи Комиссияи доимамалкунандаи байниидоравӣ оид ба МҚД/МТ/МПСҚО баргузор гардид
ДУШАНБЕ, 30.04.2025 /АМИТ «Ховар»/. Дар шаҳри Душанбе ҷаласаи навбатии Комиссияи доимамалкунандаи байниидоравӣ оид ба муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (МҚД/МТ/МПСҚО) таҳти роҳбарии Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Зариф Ализода ва бо иштироки намояндагони мақомоти дахлдор баргузор гардид. Дар ин хусус ба АМИТ «Ховар» аз Бонки миллии Тоҷикистон иттилоъ доданд.
Роҳбари Комиссия бо назардошти тағйироти солҳои охир дар тавсияҳои Гурӯҳи татбиқи чораҳои молиявии мубориза бар зидди пулшӯӣ (ФАТФ), ки асосан ба фаъолияти мақомоти танзим ва назорати давлатӣ дар самти МҚД/МТ/МПСҚО ва мақомоти ҳифзи ҳуқуқ равона шудаанд, мутобиқ намудани низоми миллии мамлакат ва ба ин восита иҷро кардани талаботи тавсияҳои гуфташударо дар ҳамбастагӣ зарур шуморид.
Бо вуҷуди пешравиҳо баъд аз баҳодиҳии даври дуюми ҷумҳурӣ дар татбиқи тавсияҳои ФАТФ талабот дар даври сеюми баҳогузорӣ боз ҳам пурзӯр гардида, тавсияҳои ФАТФ (солҳои 2023-2024) аз сари нав баҳогузорӣ карда мешаванд. Баҳогузории даври сеюм барои Ҷумҳурии Тоҷикистон соли 2026 ба нақша гирифта шудааст.
Дар ҷаласа масъалаҳои марбут ба иҷрои қарорҳои Пайнавишти ҷаласаи қаблии Комиссия, ҳисоботи дуюм оид ба баҳодиҳии хавфи миллии ҚД/МТ/МПСҚО дар Тоҷикистон, баҳодиҳии хавфҳои шахсони ҳуқуқӣ ва созмонҳои ҳуқуқӣ дар самти ҚД/МТ дар Тоҷикистон, масъалаҳои марбут ба мубодилаи иттилоот байни департаменти мониторинги молиявии назди Бонки миллии Тоҷикистон ва мақомоти ҳифзи ҳуқуқ, масъалаҳои ҷойдоштаи рӯйхатҳои таҳримӣ, аз ҷумла рӯйхати миллӣ ва Маркази зиддитеррористии Иттиҳоди Давлатҳои Мустақил муҳокима ва тасдиқ шуданд.
Қабули ҳисоботи дуюми мамлакат оид ба баҳодиҳии хавфи миллӣ ва аввалин ҳисобот оид ба баҳодиҳии хавфҳои шахсони ҳуқуқӣ ва созмонҳои ҳуқуқӣ дар самти қонунигардонии даромадҳои бо роҳи ҷиноят бадастоварда ба баланд бардоштани раддабандии мамлакат аз рӯи ин тавсияҳо мусоидат менамояд. Бо мақсади омодагии Тоҷикистон ба даври сеюми баҳодиҳии мутақобили низоми миллии МҚД/МТ/МПСҚО оид ба таҳияи нақшаи чорабиниҳо дар ҳамоҳангӣ бо вазорату идораҳои дахлдор ва пешниҳод намудани он ба Ҳукумати мамлакат қарор қабул гардид.
АКС: Бонки миллии Тоҷикистон
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
ҚУРБИ АСЪОР: дар Тоҷикистон 1 рубли русӣ аз 0.1171 то 0.1195 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.3681 то 9.4300 сомонӣ муқаррар шудааст
Дар Душанбе масъалаҳои омодагӣ ва баргузории ҷаласаи 67-уми Шурои электроэнергетикии ИДМ муҳокима гардид
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
ҚУРБИ АСЪОР: дар Тоҷикистон 1 евро аз 10.9278 то 11.1000 сомонӣ муқаррар шудааст
«S&P Global Ratings рейтинги соҳибихтиёрии қарзии Тоҷикистонро бо дурнамои «устувор» тасдиқ намуд
ҚУРБИ АСЪОР: дар Тоҷикистон 1 рубли русӣ аз 0.1163 то 0.1185 сомонӣ сомонӣ муқаррар шудааст
Бонки миллии Тоҷикистон бо «Column Bank» ҳамкориро тақвият медиҳад
ҚУРБИ АСЪОР: дар Тоҷикистон 1 доллари ИМА аз 9.3472 то 9.4000 сомонӣ муқаррар шудааст
Дар шаҳри Исфара Фестивали саводнокии молиявӣ гузаронида шуд
