Дар Донишгоҳи байналмилалии забонҳои хориҷии Тоҷикистон Ҳафтаи илм оғоз гардид
ДУШАНБЕ, 22.04.2025. /АМИТ «Ховар»/. 21 апрел дар Донишгоҳи байналмилалии забонҳои хориҷии Тоҷикистон ба номи Сотим Улуғзода таҳти унвони «Ҳамгироии илмҳои гуманитарӣ, ҷомеашиносӣ ва дақиқ дар рушди устувори ҷомеа дар асри рақамӣ» конференсияи илмӣ-амалии ҳайати профессорону омӯзгорон, докторантону магистрантон ва донишҷӯён баргузор гардид.
Тавре аз ин донишгоҳ ба АМИТ «Ховар» хабар доданд, зимни конфронс иштирокчиён аз дастгирию ташаббусҳои беназири Президенти Ҷумҳурии Тоҷикисто, муҳтарам Эмомалӣ Раҳмон барои рушди илми тоҷик дар даврони соҳибистиқлолӣ ибрози назар намуданд.
Бо назардошти аҳамияти ин масъала барои баланд бардоштани мақому манзалати илм, олимону донишмандон, аҳли маориф ва зиёиёни эҷодкор дар ҷомеа аз нигоҳи иҷтимоӣ, маънавӣ ва молиявӣ давра ба давра тадбирҳои муҳим андешида мешаванд.
Дар ин замина дар муассисаҳои миёна ва олии мамлакат имконот ва захираи калони илмӣ бештар гардида, муҳаққиқон, ихтироъкорон, навоварон ва донишмандони соҳаҳои гуногун дар пешрафт ва рушди илми тоҷик саҳми арзишманд мегузоранд.
Инчунин таъкид гардид, ки вохӯрии Сарони давлатҳои ҳамсоя дар Ҷашни байналмилалии Наврӯз ва кушодашавии марзи Тоҷикистону Қирғизистон на танҳо дар беҳбуди рӯзгори мардуми ҷонибҳо, балки дар рушди илми тоҷик низ замина мегузорад.
Ёдовар мешавем, ки конфронс бахшида ба оғози Ҳафтаи илм дар Донишгоҳи байналмилалии забонҳои хориҷии Тоҷикистон то 26 апрел идома меёбад.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
