Дар Хадамоти алоқаи Тоҷикистон бахшида ба Ҷашни байналмилалии Наврӯз ҳамоиши тантанавӣ доир гардид
ДУШАНБЕ, 04.04.2025. /АМИТ «Ховар»/. Имрӯз дар Хадамоти алоқаи назди Ҳукумати Ҷумҳурии Тоҷикистон бахшида ба Ҷашни Наврӯзи байналмиллалӣ ҳамоиши тантанавӣ баргузор гардид. Дар ин хусус ба АМИТ «Ховар» аз ин хадамот хабар доданд.
Сардори Хадамоти алоқа Исфандиёри Саъдулло зимни ҳамоиш иброз дошт, ки Наврӯз муаррифи таърих, фарҳанг ва ойинҳои деринаи миллати куҳанбунёди тоҷик буда, саҳми Президенти Ҷумҳурии Тоҷикистон муҳтарам Эмомалӣ Раҳмон дар мақоми байналмилалӣ гирифтани он назаррас аст.
Сарвари давлат муҳтарам Эмомалӣ Раҳмон дар яке аз суханрониҳо иброз намуданд, ки «Наврӯз пайки шодиву сурур, шукуфоиву зебоӣ, оғози кишту кори баҳорӣ, паёми эҳёи табиат аст, ки гардише дар руҳу ҷони одамон падид меоварад».
«Наврӯз на танҳо иди баҳору зебоӣ, оғози соли нави аҷдодӣ, балки тарғибгари суннатҳои воло ва фарҳанги ғании ниёгонамон низ мебошад, чунки маҳз суннатҳои ахлоқӣ ва фарҳанги таърихии халқ, ҳикмату қудрати Наврӯз халқи моро дар марҳилаҳои ҳассоси зиндагӣ ба ягонагӣ, ору номус ва ватандӯстӣ ҳидоят намудаанд»,- илова намуд Исфандиёри Саъдулло.
Дар ин рӯз як зумра кормандон ва собиқадорони фаъоли соҳаи алоқа бо «Ифтихорнома» ва «Сипоснома»-и Хадамоти алоқаи назди Ҳукумати Ҷумҳурии Тоҷикистон қадрдонӣ гардиданд.
АКС: Хадамоти алоқаи назди Ҳукумати Ҷумҳурии Тоҷикистон
Имрӯз дар Душанбе Фестивали байналмилалии «Наврӯз — мероси фарҳангию ҷаҳонгардӣ» доир мегардад
Эмомалӣ Раҳмон: Наврӯз ба ягон дину мазҳаб пойбанд нест
Ҷашни Наврӯз дар аҳди бостон бо мусобиқаи камонварӣ оғоз мегардид
Эмомалӣ Раҳмон: Наврӯз яке аз куҳантарин ва пурмазмунтарин ҷашнҳои башарият мебошад
Оростани хони наврӯзӣ бо таомҳои миллӣ рамзи эҳтиром ба анъанаҳои таърихӣ мебошад
СУМАНАК ЗЕБИ БАҲОР АСТ! Суманакпазӣ яке аз анъанаҳои қадимӣ ва суннатии тоҷикон аст
Президенти Тоҷикистон: «Ватани азизи худро сидқан дӯст дорем, ба таърих, забон, фарҳанг ва дигар арзишҳои миллӣ арҷ гузорем»
Сарвари давлат: «Ҷанбаи умдаи ҷашни Наврӯз дасти кумак дароз кардан ба ниёзмандон ва хурсанд кардани дили ятимон аст»
Ҳайати Тоҷикистон дар чорабинии сатҳи баланд бахшида ба Рӯзи ҷаҳонии об дар Ню-Йорк иштирок намуд
