Дар шаҳраки Обшорони ноҳияи Мастчоҳ татбиқи лоиҳаи обрасонӣ оғоз ёфт
ДУШАНБЕ, 27.04.2025 /АМИТ «Ховар»/. Дар доираи тадбирҳои ободонию созандагӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳраки Обшорони ноҳияи Мастчоҳ татбиқи лоиҳаи муҳими обрасонӣ оғоз гардид.
Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ хабар медиҳад, хати нави оби нӯшокӣ аз обанбори марказии шаҳрак оғоз ёфта, то нуқтаи тақсимоти об ба аҳолӣ, ки дар масофаи 3,5 километр ҷойгир аст, идома меёбад. Барои кашидани ин хат лӯлаҳои полиэтилении дорои қутри 160 мм истифода мешаванд, ки ҷавобгӯи стандартҳои муосири обрасонӣ мебошанд.
Татбиқи лоиҳа то соли 2027 идома ёфта, маблағи умумии он 2,5 миллион сомониро ташкил медиҳад. Фармоишгари лоиҳа Кумитаи хоҷагии манзилию коммуналии назди Ҳукумати Ҷумҳурии Тоҷикистон буда, корҳои васлу насбсозиро Ҷамъияти дорои масъулияти маҳдуди «Манзили Кӯҳистон» ба зимма дорад.
Бояд гуфт, ки хати кӯҳнаи оби нӯшокии шаҳраки Обшорон тамоман фарсуда гардида, дигар имкони таъмин намудани аҳолиро бо оби тоза надошт. Дар фаслҳои тобистон ва зимистон лӯлаҳои оҳанин пайваста кафида, боиси қатъ гардидани обрасонӣ мешуданд.
Ҳоло сокинони шаҳрак, ки шумораашон беш аз 4 ҳазор нафарро ташкил медиҳад, асосан аз оби чашмаҳои кӯҳӣ тавассути лӯлаҳои хурд истифода мебаранд.
Ҳамзамон таъмири пурраи ҳавзҳои обтақсимкунӣ ва кашидани хати алоҳидаи оби нӯшокӣ ба назди биноҳои истиқоматӣ дар назар аст.
Баъди ба истифода додани ин иншооти муҳим мушкили таъминоти оби нӯшокӣ дар шаҳраки Обшорон пурра бартараф мегардад.
АКС: Мақомоти иҷроияи ҳокимияти давлатии ноҳияи Мастчоҳ
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
