Дар шаҳри Ганҷа консерти ансамбли эстрадии Оркестри давлатии симфонии Тоҷикистон баргузор гардид
ДУШАНБЕ, 15.04.2025. /АМИТ «Ховар»/. Дар Филармонияи давлатии шаҳри Ганҷаи Ҷумҳурии Озарбойҷон таҳти унвони «Армуғони дӯстӣ» консерти ансамбли эстрадии Оркестри давлатии симфонии Дастгоҳи иҷроияи Президенти Ҷумҳурии Тоҷикистон барузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Озарбойҷон хабар доданд.
Дар барномаи фарҳангӣ, ки бо ташаббуси Ҳукумати Ҷумҳурии Тоҷикистон доир шуд, раиси шаҳри Ганҷа Ниязӣ Байрамов, Сафири Тоҷикистон дар Озарбойҷон Илҳом Абдураҳмон, намояндагони мақомоти давлатӣ, аҳли зиё, доираҳои илму фарҳанг ва санъати Озарбойҷон ва сокинони шаҳри Ганҷа иштирок намуданд.
Ҳунармандони тоҷик ба тамошобинон барномаи ҷолиби эстрадиро бо иҷрои суруду оҳангҳои муаллифони шинохтаи тоҷику озарӣ ва ҷаҳонӣ пешкаш намуданд.
Барномаи консертӣ аз ҷониби тамошобинон бо самимият ва эҳтирому арҷгузорӣ ба фарҳанги оламгири мардуми тоҷик ва истиқбол карда шуд.
Бояд гуфт, ки дар даврони Истиқлолияти давлатии Ҷумҳурии Тоҷикистон фарҳанг ҳамчун рамзи симои маънавии мардум дар муттаҳидсозии иқтидори илмию зеҳнӣ, таҷассуми таърихи муосиру бостонӣ, урфу одат, расму ойини мардумӣ ва ёдгориҳои таърихии давлат ва миллати тоҷик мақоми шоиста дорад.
Таъкид кардан ба маврид аст, ки барои таҳкими арзишҳо ва фарҳанги миллӣ бо шарофати ғамхорӣ ва таваҷҷуҳи хоссаи Президенти Ҷумҳурии Тоҷикистон муҳтарам Эмомалӣ Раҳмон дар саросари кишвар тадбирҳои судаманд андешида шуда, ин соҳа пайваста ба пешравиҳои назаррас ноил мегардад.
Оркестри давлатии симфонии Дастгоҳи иҷроияи Президенти Ҷумҳурии Тоҷикистон бо таваҷҷуҳ ва дастгириҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон таъсис дода шуда, яке аз сохторҳои фарҳангии даврони соҳибистиқлолии Ҷумҳурии Тоҷикистон маҳсуб меёбад ва ҳоло Тоҷикистонро бо фарҳанги асилу ҳунари воло дар хориҷи кишвар муаррифӣ менамояд.
АКС: Сафорати Ҷумҳурии Тоҷикистон дар Ҷумҳурии Озарбойҷон
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
Рӯзҳои фарҳанги Тоҷикистон дар Беларус доир мегарданд
