Дар шаҳри Ҳисор Маркази забономӯзии «FARDO SCHOOL» ифтитоҳ ёфт
ДУШАНБЕ, 09.04.2025 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон дар шаҳри Ҳисор Маркази забономӯзии «FARDO SCHOOL» ифтитоҳ гардид, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Иншооти мазкур аз ду ошёна иборат буда, дар доираи нақшаи чорабиниҳо бахшида ба 35-солагии Истиқлоли давлатии Тоҷикистон аз ҷониби соҳибкори маҳаллӣ бунёд гардид. Ошёнаи дуюми он барои омӯзиши забонҳои русӣ, англисӣ ва чинӣ махсус гардонида шуда, бо ҷалби мутахассисони соҳибтаҷриба ва забондон кӯдакону наврасони хоҳишманд ба забономӯзӣ фаро гирифта мешаванд.
Масъулин ҳамчунин тасмим гирифтаанд, ки дар ҳамкорӣ бо шуъбаи маорифи шаҳр ва ҷалби омӯзгорони соҳибтаҷриба дар утоқҳои боқимонда барои омӯзиши фанҳои табиатшиносӣ, дақиқ, риёзӣ, таъриху ҳуқуқ ва омодагӣ ба имтиҳонҳои Маркази миллии тестӣ даврҳои кӯтоҳмуддати омӯзишӣ ташкил намоянд.
Бояд гуфт, ки омӯхтани забонҳои хориҷӣ борҳо зимни суханрониҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон таъкид гардидааст. Ин аст, ки даҳсолаҳои охир дар мамлакат барои омӯзиши забонҳои хориҷӣ, хусусан англисӣ ва русӣ марказҳои омӯзиши забонҳо таъсис дода мешаванд.
АКС: Мақомоти иҷроияи ҳокимияти давлатии шаҳри Ҳисор
35-СОЛАГИИ ИСТИҚЛОЛИ ДАВЛАТӢ. Дар Конибодом иншооти соҳаи маорифу корхонаҳои истеҳсолӣ бунёд карда мешавад
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Имрӯз дар боғҳои шаҳри Душанбе рӯзҳои фарҳанги шаҳри Бохтар, ноҳияҳои Ховалинг, Лахш ва Сангвор баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Бохтар беш аз 260 иншооти ҷашнӣ бунёд карда мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Спитамен зиёда 10 километр роҳҳои дохили маҳаллаҳо мумфарш гардид
Олимпиадаи даставӣ барои дарёфти «Ҷоми Сарраёсати маорифи шаҳри Душанбе» доир мегардад
Барои омӯзгорону донишҷӯёни Донишгоҳи давлатии Кӯлоб хобгоҳи 10-ошёна сохта мешавад
35 БАҲОРИ ИСТИҚЛОЛИ ВАТАН. Тафаккуру андеша ва пиндошту тасаввури миллии мо аз Истиқлолияти Тоҷикистон сарчашма мегирад
Дар ноҳияи Бобоҷон Ғафуров корхонаи нави истеҳсоли обҳои ташнагишикан бунёд карда мешавад
Дар Душанбе рӯзҳои фарҳанги шаҳри Бохтар, ноҳияҳои Ховалинг, Лахш, Сангвор, Рашт, Балҷувон ва Дарвоз баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар деҳаи Некноти шаҳри Панҷакент бинои нави муассисаи таълимӣ сохта мешавад
НИШАСТИ МАТБУОТӢ. Дар Шаҳринав 297 иншооти гуногун ба истифода дода шуд
