Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
ДУШАНБЕ, 26.04.2025 /АМИТ «Ховар»/. Дар шаҳри бостонии Панҷакент Боғи фарҳангию фароғатии ба номи Абулқосим Фирдавсӣ- муаллифи шоҳасари безаволи «Шоҳнома» бунёд карда мешавад, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент.
Боғи Абулқосим Фирдавсӣ дар даромадгоҳи шарқии шаҳри Панҷакент, дар буриши хиёбони Рӯдакӣ ва кӯчаи Саъдии Шерозӣ бунёд мешавад. Тибқи лоиҳа, тарҳи майдон ба асбоби мусиқии тор шабоҳат дошта, он аз дарвозаи муҳташам, муҷассамаи Абулқосим Фирдавсӣ, деворнигораҳо, муҷассамаҳои қаҳрамонҳои достони безаволи «Шоҳнома», аз ҷумла Рустаму Сӯҳроб, аспҳое, ки дар ин шоҳасар тасвир шудаанд, роҳраву нишастгоҳо ва фаввораҳо иборат хоҳад буд.
Роҳбарияти шаҳри Панҷакент бо сохтмони боғ шинос шуда, ба бинокорони ширкати «СУ-3», ки ба гузоштани таҳкурсии майдони боғи оянда ва роҳравҳои он машғул ҳастанд, барои мутобиқ ба лоиҳа ва бо сифати баланд бунёд намудани Боғи фарҳангию фароғатии Абулқосим Фирдавсӣ маслиҳат доданд.
«Ин боғи зебо, ки рамзи арҷгузорӣ ба таърихи ғановатманди миллат, бузургтарин ҳамосасарои адабиёти тоҷику форс ва ҷаҳон Абулқосим Фирдавсӣ аст, ояндаи наздик ба ҷои истироҳату фароғати сокинон ва меҳмонони шаҳр табдил хоҳад ёфт»,- хабар медиҳад манбаъ.
АКС: Мақомоти иҷроияи ҳокимияти давлатии шаҳри Панҷакент
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Пагоҳ Душанбе мизбони Бозиҳои XX Делфии ҷавонони кишварҳои аъзои ИДМ мегардад
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
