Даъватшавандагони ноҳияи Варзоб ҳимояи марзу буми Ватанро вазифаи муқаддас ва пурифтихори хеш номиданд
ВАРЗОБ, 02.04.2025 /АМИТ «Ховар»/. Дар Боғи фарҳангӣ-фароғатии «Парчами миллӣ»-и ноҳияи Варзоб бахшида ба Рӯзи даъватшаванда ҳамоиши тантанавӣ доир гардид. Дар ин рӯз даъватшавандагон бо дуои неки модарон барои ҳифзи Ватан – Модар ба сафи Артиши миллӣ ҷалб шуданд. Дар ин хусус мухбири минтақавии АМИТ «Ховар» Субҳониддини Маҳмуд бо истинод ба Мақомоти иҷроияи ҳокимияти давлатии ноҳияи Варзоб хабар медиҳад.
Дар ҳамоиш иброз гардид, ки ҳимояи марзу буми Ватан вазифаи муқаддас ва пурифтихори на танҳо хизматчиёни ҳарбӣ, балки ҳар шахси солимфикр ва бонангу номуси давлатамон мебошад.
Мақомоти иҷроияи ҳокимияти давлатии ноҳияи Варзоб дар доираи сиёсати иҷтимоии Ҳукумати Ҷумҳурии Тоҷикистон ва сиёсати инсонпарваронаи Президенти Ҷумҳурии Тоҷикистон муҳтарам Эмомалӣ Раҳмон дар деҳаҳои ҷамоатҳои шаҳраку деҳоти ноҳия бо ҷавонони синни даъватӣ корҳои таблиғотию ташвиқотӣ гузаронида, дар мавзуъҳои ватандӯстӣ, худшиносии миллӣ, таҳаммулпазирӣ, азхуд кардани ахлоқи ҳамидаи инсонӣ, ҷаҳонбинии демократию дунявӣ, таҳкими ваҳдат ва суботи ҷомеа ва ҷалби онҳо ба хизмати ҳарбӣ мунтазам суҳбатҳои судманд мегузаронад. Дар натиҷа сафи даъватшавандагони ихтиёрӣ ва чун мутахассис пайвастани онҳо ба Артиши миллӣ зиёд гардидааст.
Дар ҳамоиши идона собиқадорони Артиши миллӣ, волидайн ва даъватшавандагон сухан гуфта, ба роҳбарияти олии мамлакат барои муҳайё намудани шароити хуби хизматбарӣ дар сафи Қувваҳои Мусаллаҳи Тоҷикистон изҳори сипосу миннатдорӣ намуданд. Даъватшавандагон ба волидайн ваъда доданд, ки қарзи шаҳрвандиро адо намуда, баъди хизмати ҳарбӣ дар мамлакат софдилона меҳнат менамоянд.
Дар ҷамъомад аз ҷониби Мақомоти иҷроияи ҳокимияти давлатии ноҳияи Варзоб ба даъватшавандагон, ки даврҳои кӯтоҳмуддати омӯзиши ронандагиро хатм намудаанд, ҳуҷҷати ронандагӣ тақдим гардид.
Аз ҷониби бахши фарҳанги ноҳияи Варзоб барномаи бошукуҳи ҳунарӣ пешкаши ҳозирин гардид.
Аз ҷониби сарбозони қисми ҳарбии Қӯшунҳои дохилии Вазорати корҳои дохилӣ машқҳои ҳарбӣ намоиш дода шуданд.
АКС: Мақомоти иҷроияи ҳокимияти давлатии ноҳияи Варзоб
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
