Хонандагони тоҷик дар Олимпиадаи дуюми математикии Туркманистон сазовори ҷойҳои дуюм ва сеюм шуданд
ДУШАНБЕ, 30.04.2025. /АМИТ «Ховар»/. Аз 21 то 26 апрел дар шаҳри Ашқободи Туркманистон Олимпиадаи дуюми математикии Туркманистон баргузор гардид, ки дар он ду хонандаи тоҷик соҳиби медалҳои нуқра ва биринҷӣ гардиданд. Дар ин хусус ба АМИТ «Ховар» аз Муассисаи давлатии таълимии Литсей барои хонандагони болаёқат дар шаҳри Душанбе хабар доданд.
Дар Олимпиадаи дуюми математикии Туркманистон, ки байни 14 давлат баргузор гардид, аз Тоҷикистон 15 хонандаи муассисаҳои таҳсилоти умумии ҷумҳурӣ иштирок намуданд. Аз ин шумора 3 нафар хонандаи Муассисаи давлатии таълимии Литсей барои хонандагони болаёқат дар шаҳри Душанбе мебошанд.
Зимни олимпиада ду хонандаи синфҳои 9-уми Муассисаи давлатии таълимии Литсей барои хонандагони болаёқат дар шаҳри Душанбе- Иброҳим Халифаев сазовори ҷойи дуюм ва Аҳмадшо Садриддинзода сазвори ҷойи сеюм гардиданд.
Ғолибият ва ба дастовардҳо ноил гардидани хонандагони тоҷик дар арсаи байналмилалӣ нишони он аст, ки соҳаи маорифи ҷумҳурӣ маҳз бо тадбирҳои андешидаи Ҳукумати мамлакат, алалхусус Президенти Ҷумҳурии Тоҷикистон муҳтарам Эмомалӣ Раҳмон дар ин самт назаррас буда, дар радифи дигар давлатҳои тараққикардаи дунё рақобатпазир мебошад.
Ин дастовардҳо заминаи хуби моддию техникии муассиса, сатҳи баланди касбияти омӯзгорони литсей, ҳамзамон зарфияти зеҳнии хонандагони литсей ба ҳисоб рафта, ин муассисаи таълимиро ҳамчун макони омодасозии кадрҳои ҷавобгӯ ба талаботи асри муосир муаррифӣ менамояд.
АКС: Муассисаи давлатии таълимии Литсей барои хонандагони болаёқат дар шаҳри Душанбе
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
