Кишоварзони хоҷагиҳои деҳқонии Ҷамоати деҳоти Сӯҷинаи шаҳри Панҷакент дар 380 гектар картошка кишт менамоянд
ДУШАНБЕ, 13.04.2025 /АМИТ «Ховар»/. Кишоварзони хоҷагиҳои деҳқонии Ҷамоати деҳоти Сӯҷинаи шаҳри Панҷакент тасмим гирифтаанд, ки дар мавсими баҳор дар 380 гектар картошка кишт намоянд, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент.
Бо ин мақсад дар ҳамаи хоҷагиҳои деҳқонӣ кишт вусъат дода мешавад. Аз ҷумла, бо истифода аз обу ҳавои мусоид дар мавзеи Дашти Малла саҳмдорони хоҷагии деҳқонии Қодири Султон ва дигар кишоварзон ба ҳашар баромада, дар 1,7 гектар картошка шинониданд. Майдони кишти он дар ҷамоати деҳот ба 115 гектар расонида шуд.
Инчунин дар мавзеи Боғчаи Ҷамоати деҳоти Шинг низ кишти картошка идома ёфта, саҳмдорони хоҷагии деҳқонии «Ҳақиқат» ва хоҷагиҳои деҳқонии инфиродӣ то кунун дар 20 гектар картошка кишт намудаанд. Дар қисмати кӯҳсори ҷамоати деҳот кишти картошка нав оғоз шудааст.
Роҳбарияти шаҳр зимни шиносоӣ бо ҷараёни кишти баҳорӣ, аз ҷумла картошка дар ин ҷамоатҳои деҳот ба масъулин барои омода намудани замин ва вусъат додани кишти картошка тавсияҳои судманд доданд.
АКС: Мақомоти иҷроияи ҳокимияти давлатии шаҳри Панҷакент
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
