Кишоварзони ноҳияи Шаҳристон дар 1735 гектар картошка кишт менамоянд
ДУШАНБЕ, 20.04.2025. /АМИТ «Ховар»/. Тибқи нақша имсол дар ноҳияи Шаҳристон кишоварзон дар 1735 гектар картошка кишт менамоянд. То имрӯз дар беш аз 400 гектар кишт гузаронида шудааст. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
Ноҳияи Шаҳристон аз минтақаҳои картошкапарвар дар вилояти Суғд ба ҳисоб рафта, деҳқонон ва кишоварзон бо истифода аз шароити мусоиди мавҷуда ва дастрасӣ ба обу замин ҳамасола майдони кишт ва ҳаҷми истеҳсоли картошкаро зиёд мекунанд.
Дар хоҷагии деҳқонии «Бурибойота», ки дорои 24,4 гектар замин буда, аз он 6,92 гектар замини обӣ аст, дар 3,5 гектари он картошка кишт мешавад.
Картошкапарварон тухмии картошкаро асосан аз ноҳияи Деваштич дастрас менамоянд, зеро он ба иқлими ноҳияи Шаҳристон мутобиқ буда, ҳосили фаровон медиҳад. Аз ҷониби хоҷагиҳо ҳамасола тухмии нав харидорӣ ва тухмии кӯҳна иваз карда мешавад. Ин омил боиси гирифтани ҳосили баланд мегардад.
АКС: Хадамоти матбуоти Раиси вилояти Суғд
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
