«НАКҲАТИ БАҲОР». Таҳти ин унвон намоиши асарҳои эҷодӣ ифтитоҳ ёфт
ДУШАНБЕ, 22.04.2025 /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон таҳти унвони «Накҳати баҳор» аз рӯйи жанри кундал намоиши асарҳои эҷодии рассоми ҷавон Муҳаммад Ҳикматзода ифтитоҳ гардид, хабар доданд ба АМИТ «Ховар» аз ин донишкада.
Ректори Донишкадаи давлатии санъати тасвирӣ ва дизайн Сироҷиддин Ҷӯрахонзода роҷеъ ба таърихи пайдоиши ин навъи санъат, моҳият ва муҳтавои асарҳои эҷодии наққоши ҷавон ва баргузории чунин намоишҳо дар муассиса ибрози назар намуд. Гуфта шуд, ки кундал ҳамчун навъи санъати ороиши амалӣ дар санъати меъморӣ ва наққошии мардуми тоҷик мақоми хосса дорад.
Намунаҳои ин усули санъат бори аввал дар лавҳаҳои кошинкории биноҳои асри XIV дар ёдгориҳои меъмории шаҳрҳои Самарқанду Бухоро, Шаҳрисабз ва дигар манотиқи Осиёи Марказӣ истифода гардида, то имрӯз маҳфуз дошта шудаанд.
Наққошӣ ҳунари офаридани нақш ва маҳсули эҷодии санъаткорони халқӣ ва касбӣ буда, яке аз навъҳои бостонии санъати ороишӣ ва амалии мардуми тоҷик ба ҳисоб меравад. Он бо нафосати хоси шарқиёна ва таърихи куҳан аз дигар навъҳои санъат фарқ мекунад.
Намоиши асарҳо дар толори намоишии Донишкадаи давлатии санъати тасвирӣ ва дизайни Тоҷикистон то 10 май идома меёбад.
АКС: Донишкадаи давлатии санъати тасвирӣ ва дизайни Тоҷикистон
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
