Намояндагони доимии кишварҳои ИДМ аз баргузории Конфронси байналмилалии сатҳи баланд оид ба ҳифзи пиряхҳо иттилоъ доданд
ДУШАНБЕ, 23.04.2025 /АМИТ «Ховар»/. Ҷаласаи навбатии Шурои намояндагони доимии кишварҳои аъзои Иттиҳоди Давлатҳои Мустақил дар назди мақомоти оинномавӣ ва дигар ниҳодҳои Иттиҳод 22 апрел дар шаҳри Минск баргузор гардид. Дар ин хусус АМИТ «Ховар» бо истинод ба хадамоти матбуоти Кумитаи иҷроияи Иттиҳоди Давлатҳои Мустақил хабар медиҳад.
Намояндаи доимии Ҷумҳурии Тоҷикистон дар назди мақомоти оинномавӣ ва дигар мақомоти Иттиҳоди Давлатҳои Мустақил, Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзода доир ба Конфронси байналмилалии сатҳи баланд оид ба ҳифзи пиряхҳо, ки 29-31 майи соли 2025 дар шаҳри Душанбе баргузор мегардад, маълумот дод.
Дар ҷаласа намояндагони доимӣ натиҷаҳои ҷаласаи Шурои вазирони корҳои хориҷии кишварҳои аъзои Иттиҳоди Давлатҳои Мустақилро, ки 11 апрел дар Алмаато баргузор шуда буд, ҷамъбаст намуданд. Ҳамчунин вазифаҳо барои татбиқи санадҳои дар Шурои вазирони корҳои хориҷӣ қабулшуда ва тавофуқоти ҳосилшударо пешакӣ муайян намуданд.
Дар ҷаласаи Шурои вазирони корҳои хориҷии кишварҳои аъзои Иттиҳоди Давлатҳои Мустақил ҳамаи масъалаҳои ба рӯзнома воридшуда баррасӣ ва 17 санад қабул карда шуд. Аз ҷумла, масъалаҳо оид ба лоиҳаи «Барномаи ҳамкорӣ дар самти таҳкими амнияти сарҳадӣ дар марзҳои беруна барои солҳои 2026-2030» ва таҳияи лоиҳаи Низомнома дар бораи Форуми волонтёрони Иттиҳоди Давлатҳои Мустақил баррасӣ гардида, натиҷаҳои татбиқи соли гузаштаи Нақшаи бисёрсатҳаи вазоратҳои корҳои хориҷии Иттиҳоди Давлатҳои Мустақил ва Барномаи амал оид ба густариши шарикӣ байни вазоратҳои корҳои хориҷӣ ҷамъбаст карда шуданд.
АКС: Хадамоти матбуоти Кумитаи иҷроияи Иттиҳоди Давлатҳои Мустақил
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ. Расонаҳои байналмилалӣ онро ба таври васеъ инъикос менамоянд
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
