Раиси Маҷлиси намояндагон бо Сафири Чин дар Тоҷикистон мулоқот намуд
ДУШАНБЕ, 24.04.2025. /АМИТ «Ховар»/. 23 апрел Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Тсзи Шумин мулоқот намуд.
Тавре ба АМИТ «Ховар» аз Маҷлиси намояндагони Маҷлиси Олӣ хабар доданд, дар мулоқот ҷонибҳо вобаста ба муносибатҳои байнипарлумонӣ, робитаҳои иқтисодии Тоҷикистону Чин ва дигар масъалаҳои мавриди таваҷҷуҳ табодули афкор намуданд.
Гуфта шуд, ки муносибатҳои байнипарлумонии ҷумҳуриҳо пайваста густариш ёфта, ба рушду таҳкими муносибатҳо дар дигар ҷанбаҳо мусоидат менамоянд. Ҷумҳурии Мардумии Чин бузургтарин сармоягузор дар иқтисоди Тоҷикистон ва шарики асосии тиҷоратӣ ба ҳисоб меравад. Робитаҳои иқтисодии мамлакатҳоро ҳамсарҳад будани Тоҷикистон ва Чин ва доштани иқтидори фаровони захираҳои табиӣ ба ҳам наздик менамояд.
Тоҷикистон бо Чин шарикони ҳамаҷонибаи стратегӣ буда, тақвият ва рушди муносибатҳои дӯстонаи дуҷониба ва бисёрҷониба ва ҳамкорӣ бо ин ҷумҳурӣ яке аз самтҳои муҳими сиёсати хориҷии Тоҷикистон ба ҳисоб меравад.
Таъкид шуд, ки дар таърихи муносибатҳои дуҷониба ва бисёрҷонибаи ҷумҳуриҳо нақши Президенти Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин Си Ҷинпин хеле назаррас аст. Аз барқароршавии муносибатҳои дипломатии Тоҷикистон бо Чин 33 сол пур шуда, заминаи меъёрӣ-ҳуқуқии ду давлатро зиёда аз 250 санади ҳамкории дуҷониба ташкил медиҳад.
АКС: Маҷлиси намояндагони Маҷлиси Олии Ҷумҳурии Тоҷикистон
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
Вакили Маҷлиси намояндагон бо фаъолони ноҳияи Шамсиддин Шоҳин вохӯрӣ намуд
Вакилони Маҷлиси намояндагон бо фаъолони ноҳияи Фирдавсӣ вохӯрӣ намуданд
Вакили Маҷлиси намояндагон бо кормандони соҳаи тандурустии шаҳри Ҳисор вохӯрӣ намуд
Ҷаласаи ғайринавбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Намояндаи Парлумони Тоҷикистон дар конфронси байналмилалӣ бахшида ба 35-солагии Истиқлоли давлатии Узбекистон иштирок намуд
