«РОҒУН-КОХИ НУР». Дар Осорхонаи миллии Тоҷикистон намоиши асарҳои рассомон ифтитоҳ ёфт
ДУШАНБЕ, 16.04.2025 /АМИТ «Ховар»/. Бо ташаббуси Осорхонаи миллӣ ва Иттифоқи рассомони Тоҷикистон намоиши асарҳои рассомони Тоҷикистон таҳти унвони «Роғун – Кохи нур» ифтитоҳ гардид, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Намоиши асарҳои рассомони Тоҷикистон «Роғун – Кохи нур» бо мақсади тарғибу ташвиқи дастовардҳои замони Истиқлолияти давлатии Тоҷикистон ва ҳадафҳои стратегии мамлакат, бунёди яке аз иншооти муҳиму стратегии мамлакат- Неругоҳи барқи обии «Роғун» ташкил карда шуд.
Зимни ифтитоҳи намоиш директори Осорхонаи миллӣ Зафаршо Иброҳимзода, мудири бахши фарҳанг ва иттилооти Дастгоҳи иҷроияи Президенти Ҷумҳурии Тоҷикистон Фаридун Бобозода, муовини якуми Раиси Ҳизби Халқии Демократии Тоҷикистон Маликшо Неъматзода, Вазири фарҳанги Ҷумҳурии Тоҷикистон Матлубахон Сатториён, муовини Раиси шаҳри Душанбе Дилбар Одилзода, раиси Иттифоқи рассомони Тоҷикистон Наргис Ҳамидова ва сардори Раёсати кадрҳои Ҷамъияти саҳомии кушодаи «НБО Роғун» Сайдулло Абдулаҳадзода доир ба аҳамияти бунёди ин неругоҳ ва нақши он дар таъмини яке аз чор ҳадафи стратегии Ҳукумати Ҷумҳурии Тоҷикистон -таъмини амнияти энергетикии мамлакат сухан намуданд.
Ҳамзамон доир ба таърихи бунёд ва рушду навсозии фаъолияти Неругоҳи барқи обии «Роғун» сухан гуфта, таъкид намуданд, ки дар замони соҳибистиқлолии Тоҷикистон бо талошу заҳматҳои Президенти Ҷумҳурии Тоҷикистон муҳтарам Эмомалӣ Раҳмон ду чархаи Неругоҳи барқи обии «Роғун» ба кор дароварда шуд. Ин муҳимтарин дастоварди энергетикии Тоҷикистон мебошад.
«Тасвири фаъолияти гуногунҷабҳаи Неругоҳи барқи обии «Роғун» дар асарҳои рассомони Тоҷикистон падидаи муҳими фарҳангӣ буда, дар муаррифии корномаҳои бунёдкорони ин иншоот нақши назаррас дорад»,- иброз доштанд иштирокдорони намоиш.
Дар асарҳои офаридаи рассомони тоҷик меҳнатдӯстию мардонагии коргарону мутахассисон ва муҳандисони ин иншооти бузурги аср таҷассум гардидааст.
АКС: Осорхонаи миллии Тоҷикистон
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
