Тоҷикистон бо ширкати СЕЕС-и Чин дар самти манбаъҳои барқароршавандаи энергия ҳамкорӣ менамояд

ДУШАНБЕ, 01.04.2025 /АМИТ «Ховар»/. Масъалаи таҳкими ҳамкорӣ дар самти манбаъҳои барқароршавандаи энергия ва баланд бардоштани дониши касбӣ-техникии кормандони соҳаи энергетика дар мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа бо ноиби президенти ширкати «China Energy Engineering Group Со., Ltd.» (СЕЕС)-и Чин Cюэ Данфэн дар Душанбе баррасӣ гардид. Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад.

Дар мулоқот ҳамзамон оид ба имконоти сармоягузории Ҷумҳурии Тоҷикистон дар бахши гидроэнергетика рӯнамо манзур гардид.

Гуфта шуд, ки СЕЕС байни 500 ширкати бузурги ҷаҳон дар мавқеи 269-ум қарор дошта, дар айни замон дар 140 давлат лоиҳаҳоро татбиқ менамояд.

Ҷонибҳо барои тақвияти ҳамкорӣ изҳори омодагӣ намуданд.

АКС: Вазорати энергетика ва захираҳои оби Ҷумҳурии Тоҷикистон