Ҳайати Тоҷикистон дар ифтитоҳи расмии ҷаласаҳои солонаи Гурӯҳи БИР иштирок намуд
ДУШАНБЕ, 22.05.2025. /АМИТ «Ховар»/. 20 май ҳайати Ҷумҳурии Тоҷикистон таҳти роҳбарии Вазири рушди иқтисод ва савдо, мудири кишварии Бонки исломии рушд (БИР) аз Тоҷикистон Завқӣ Завқизода дар ифтитоҳи расмии ҷаласаҳои солонаи Гурӯҳи Бонки исломии рушд, ки дар Ҷумҳурии Алҷазоир баргузор гардид, иштирок намуд. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Ҷаласаҳои солонаи Бонки исломии рушд аз 19 то 22 майи соли равон бо шиори «Гуногунсозии иқтисодҳо, ғанисозии зиндагӣ» ва бо иштироки намояндагони 57 кишвари аъзо, созмонҳои байналмилалӣ ва шарикони рушд баргузор гардида, дар ин чорабинии муҳим роҳҳои таҳкими ҳамкорӣ ва рушди устувор баррасӣ мешаванд.
Зимни ифтитоҳи чорабиниҳо Президенти Гурӯҳи Бонки исломии рушд доктор Муҳаммад Сулаймон Ал-Ҷассер иброз намуд, ки Гурӯҳи Бонки исломии рушд соли 2024 дар ҳаҷми умумии 13 миллиард доллар лоиҳаҳои сармоягузориро барои кишварҳои аъзо қабул намуда, аз ин маблағ 9 миллиард долларро ҷудо кардааст.
Ҳамзамон дар ҷаласа Стратегияи нави Бонки исломии рушд барои солҳои 2026–2035 қабул гардид. Дар он рушди иқтисоди «сабз», таъмини амнияти озуқаворӣ, рушди инфрасохтори ирригатсионӣ ва пешгирии пайомадҳои тағйирёбии иқлим самтҳои афзалиятнок муайян карда шудаанд.
Дар ҷаласаи солона дар баробари дигар вазирон навори суханронии Вазири рушди иқтисод ва савдо, мудири кишварии Бонки исломии рушд аз Тоҷикистон Завқӣ Завқизода бо мазмуни «Таҳти роҳнамоии Президенти Ҷумҳурии Тоҷикистон мамлакат диверсификатсияи иқтисодиро тавассути рушди «сабз», инноватсионӣ ва рақамӣ пеш мебарад» ба иштироккунандагон пешниҳод карда шуд.
АКС: Вазорати рушди иқтисод ва савдои Ҷумҳурии Тоҷикистон
Соли 2026 дар вилояти Хатлон 46 коргоҳу корхонаи нави саноатӣ таъсис дода шуд
Ҳавопаймои нави Boeing 737-8 MAX ба Тоҷикистон ворид карда шуд
«МЕЪМОР-2026». Намоиш — озмуни ҷумҳуриявии беҳтарин лоиҳаҳои меъморӣ ва шаҳрсозӣ дар вилояти Суғд доир мешавад
ИСТИФОДАИ САМАРАНОКИ ЗАМИН. Дар ноҳияи Носири Хусрав моҳи август ҷамъоварии пахта оғоз мегардад
«ЭКО-2026». Дар мавзеи Ҳафткӯли шаҳри Панҷакент Ниммарафони панҷуми кӯҳӣ баргузор мешавад
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир мегардад
Дар сардхонаҳо ва анборхонаҳои Тоҷикистон ҳаҷми муайяни маҳсулоти кишоварзӣ захира гардидааст
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
